Een uniek evenement in en rondum museumboerderij De Karstenhoeve. Ze gaot 100 jaor terug in de tied en ie loopt as het waore deur een tenielstuk dat de hiele dag speuld wordt deur meer as 40 vrijwilligers.

Tied: 11.00-16.00 uur

Op zundag 31 augustus organiseert drie streektaolvrijwilligers van het Huus van de Taol (ofdieling Midden-Drenthe) een wandeling met verhalen op de Smilde. De wandeling is dik 4 kilometer en begunt bij het dörpshuus an de Beukenlaan.

Smilde, het dörp van de ontginnings, de langgerektheid, de villa Maria, de graftombe van Rebenscheidt, de Koepelkark en der is nog veul meer te zien en te vertellen.

Under begeleiding van een warkgroeplid loopt de dielnimmers in groepies de route deur Smilde. De verhalen hebt betrekking op de stee of umgeving waor aj op dat moment bint.

Start: veur alle groepen um 14.00 uur
Anmelden: tussen 13.30 en 13.45 uur
Kosten: 5 euro per persoon (inclusief 1x koffie/thee en 1x consumptie)
Der is gien pin, dus graag contant betalen.

Aj metdoen wilt an dizze bezundere wandeling moej je veurof opgeven. Dat kan tot 23 augustus deur een mailtie te sturen an Klaas Vos: klaasvos44@hotmail.com of deur hum te bellen op 0654682838.

Vier 45 jaor Het Drentse Boek met de schrievers-inspiratiedag in Beilen

Een dag veur het anfietern van schrieverij in Drenthe

Oeze oetgeverij Het Drentse Boek bestiet 45 jaor! Daorum organiseert het Huus van de Taol op zaoterdag 6 september een feestelijke schrievers-inspiratiedag. Een unieke dag veur elkenien die schref – of schrieven wil – in het Drents of een aandere taol.

Een dag vol inspiratie en ontmoeting
Bezukers kunt lustern naor under meer schriefster Ingeborg Nienhuis, dichter Suze Sanders en (teniel)schriever Harm Dijkstra. Zij nimt je met in hoe zij tot schrieven komt. Daorbij kuj vraogen stellen, ervaringen oetwisseln én later op de dag ok nog inspirerende workshops bezuken.

Workshops

• Schrief een pakkende column
• Zet op een effectieve maniere social media in um je schrieverij an de man te brengen.
• Meertaolige poëzie: laot meerdere taolen samensmelten tot ien bosschup.
• Krieg het schrieven van tenielstukken in de vingers.

Praktische informatie
Daotum: zaoterdag 6 september 2025
Locatie: Gemientehoes Midden-Drenthe, Raadhuisplein 1, Beilen
Tied: Inloop vanof 09.30 uur, programma van 10.00 tot 17.00 uur
Pries: € 15,- (met soep en stoet)
Anmelden en programma: www.huusvandetaol.nl/schrieversinspiratiedag-2025

Laot je inspireren en anfietern, ontmoet aandere schrievers en vier samen 45 jaor Het Drentse Boek
Mis het niet!

Al meer as 25 jaor is de combinatie van Drentse schrieverij, meziek en eten geliefd. Streektaolorganisatie Huus van de Taol organiseert daorum vanof september een nei seizoen Taal an Taofel in Noord-Slien en Nörg.

Vandaog is de oftrap bij Zwaneveld in Nörg. Het publiek kan naor poëzie en verhaolen van Harma de Roo en Johan Veenstra lustern. De meziek is vandaog van Sylvia Fledderus.

Taal an Taofel begunt um 11.00 uur en stopt um 14.00 uur. De entree is € 25,00. En daor kriej dan een kop koffie/thee en eterij veur. Risserveren kan tot de dinsdag derveur bij Hennie Bouwman: henderkien.jantien@gmail.com / 06-29113653.

In Nörg is Taal an Taofel op 14 september, 16 november, 17 jannewaori en 15 meert.