|
zaterdag 20 februari 2010 |
 Jennegien Elzing-Ensing is op 19 febrewari op 91-jaorige leeftied uut de tied ekomen in Verpleeghuus Clara Feyoena Heem in Hardenberg.
Jennegien Elzing-Ensing is niet meer onder oens. Mar ze leeft voort in de boeken die as ze schreven hef: Hoe was ‘t vrogger? en Spellegies die wij speulden.
Wij weinst kinder, klein- en achterkleinkinder veul starkte mit het verlies van heur moeder, oma en overgrootmoeder.
Aj meer weten wilt kuj hier klikken.
|
|
zaterdag 20 februari 2010 |
Wij bint eschrukken van het neis dat Henk Dik ofelopen donderdag 18 febrewari plotseling uut de tied ekomen is. Een maond eleden namen wij oscheid van hum as bestuurslid van het Huus van de Taol. Daorveur was Henk lange tied actief in het bestuur van Drentse Taol. Hij was een man van de streektaal. Henk was nog drok bezig mit illustraties maken veur Maandewark. Wij wenst zien vrouw, kiender en verdere familie hiel veul starkte toe.
|
|
donderdag 18 februari 2010 |
Een cursus Drèents van het Huus van de Taol in saomenwarking met het vakantiepark Het Kuierpadtien. In dizze cursus maok ie (opnei) kennis met de Drèentse taol en cultuur. De taol, geschiedenis, gebruken en gewoonten, schrieverij en veul meziek komt an bod. Wanneer der gien cursus is, kuj zölf op pad gaon.
|
|
Lees meer...
|
|
woensdag 17 februari 2010 |
 Op 18 febrewari is in Peize het schrieverspetret van Gerard Stout prissenteerd. Albert Haar van RikRak Communications hef het petret mit de name Steunzolen in paradisum emaakt. Het petret kwam tot stand deur mitwarking van de gemienten Emmen en Noordenveld en van Biblionet Drenthe. Wi'j het bestellen, dan kuj hier klikken. In de winkel ( kiek bovenan in 't Thoesblad) kuj alle schrieverspetretten bestellen.In meert komp er schrieverspetret over Dick Blanke uut.
|
|
woensdag 17 februari 2010 |
 Ger Veenstra, keurnoot van het Huus van de Taol, hef Drentse les egeven op het Esdal College in Borger. Hij had dit samen mit leerkracht Monique Westers ( Grunningse!) eregeld. De kiender deden mit an veer warkwinkels en keken naor een powerpoint prissentatie. De schoele vund het zo'n goed idee dat ze volgend jaor weer wilt.
|
|
Lees meer...
|
|
dinsdag 16 februari 2010 |
 In de eerste weke van meert ( 1 t/m 5 maart) wordt in verschillende Drentse bibliotheken streektaolactiviteiten anebeuden in het kader van Meertmaond Streektaolmaond. Ie kunt veurdrachten van streektaolauteurs, lezings over streektaolcultuur en streektaolmuziek verwachten. Aj meer informatie hebben wilt, kuj hier klikken.
|
|
zondag 14 februari 2010 |
 Bert Kamping is vanof 1 meert de neie gemientedichter van Emmen. Hij volgt
Bart FM Droog op. Volgens het persbericht van de stichting Gemeentedichter Emmen is Bert ekeuzen ‘omdat hij een goede dichter is en omdat hij goed inzicht heeft in de jongerencultuur’. Wij feliciteert Bert van harte mit zien neie 'baan' en wij bint er slim bliede mit dat dizze neie gemientedichter ok in de Drentse taal zien weg wet. Bert Kamping wordt 19 febrewari as neie gemientedichter prissenteerd in Rue de la Gare in Emmen.
|
|
zondag 14 februari 2010 |
 In het radioprogramma Podium 30 bint zundag 14 febrewari de kortliesten veur de Streektaolpries van het Dagblad van het Noorden bekend emaakt deur Pieter Sypersma. De pries wordt jaorlijks toeekend an het beste boek, cd of dvd in ien van de streektalen binnen het verspreidingsgebied van het Dagblad van het Noorden. De priesuutreiking is in de Openbare Bibliotheek in Emmen op 6 meert tiedens het Streektaalfestival !REUR! Aanvang: 16.00 uur.
|
|
Lees meer...
|
|
vrijdag 12 februari 2010 |
 Op de dag van het Streektaolfestival !REUR! kuj warkwinkels volgen. Martijje!, Tony Neef, Margaretha Kleine en Jeff Zwart zult heur best doen um heur kennis en ervarings mit je te delen. Mitdoen kost je hielemaol niks. Het (Nederlandstalige) persbericht kuj hieronder lezen.
|
|
Lees meer...
|
|
woensdag 10 februari 2010 |
Hol ie van Erik Harteveld, dan kuj oe vernuvern mit Radio Jumbo. Aj hier klikt kuj kieken en luustern.
|
|
woensdag 10 februari 2010 |
De leste oflevering van Taal an Taofel in Slien is hielemaol uutverkocht! Natuurlijk kuj nog wel naor Nörg op 14 febrewari en 21 meert en naor Veeningen op 7 meert.Veur het overzicht kuj hier klikken.
|
|
dinsdag 09 februari 2010 |
Drentse boeken beschrieven? Dat kan!
Aj lid bint van de bibliotheek kuj sinds kört gebroek maken van een neie catalogus
Dat is op zuchzölf niet zo biezunder, maor je kunt daor hoogstpersoonlijk recensies schrieven van boeken die aj lezen hebt. En dat is wal slim aordig. Je kunt daor - liefst in ’t Drèents natuurlijk - zölf vertellen wat aj van een boek vindt. Misschien een mooie manier um Drentse en Drentstaolige boeken in ’t hiele laand under de andacht te brengen.
|
|
dinsdag 09 februari 2010 |
 Op 7 februari harbargde Theater de Deel in Slien alweer de darde Taal an Tafel van dit seizoen. Een volle zaal, mooie meziek, een bevleugen dichter, humoristische verhalen en lekker eten waren de onderdelen. De optredens van Egbert Hovenkamp II, Jan Veenstra en Ineke de Jong zorgden veur een merakel mooie middag. de leste Taal an Tafoel in Slien van dit seizoen is op 28 meert.
|
|
Lees meer...
|
|
vrijdag 05 februari 2010 |
Kunst en Cultuur in Drenthe wil wel ies weten waoras meinsen an denkt aj het hebt over cultuur in Drenthe. Daorum wordt roem 4000 meinsen daorover undervraogd via de lienpost. Wordt het Bartje, Daniël Lohues of ... het Huus van de Taol? Op 24 meert wordt de resultaten prissenteerd tiedens het Kunst en Cultuurgala in schouwburg Ogterop in Meppel.
|
|
maandag 01 februari 2010 |
Veur de tweeide maol hef Abel Darwinkel een stukkie in het Dagblad van het Noorden schreven over de zwao en de zende. Beide stukkies kuj op dizze webstee lezen.
|
|
Lees meer...
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 101 - 120 van 422 |
