|
vrijdag 22 januari 2010 |
Aj oeze webstee regelmaotig bekiekt, dan hej zeker lezen dat Martijje! in 2009 de cd Drezz maakt hef. Het Dagblad van het Noorden zee hierover: “… de heldere stem van Martijje en haar teksten en composities maken indruk…” En volgens De Telegraaf: “… Martijje combineert moderne streektaal met eigentijdse jazz…”
Martijje! en band gaot met het Drezz-pregram ok het laand in. Aj daor meer over weten wilt kiek dan op heur webstee
|
|
vrijdag 22 januari 2010 |
 
Dizze weke wordt de Nationale veurleesdagen eholden. Kiendern op schoelen wordt tiedens een feestelijk ontbijt verrast op een prachtig veurelezen verhaal. Op een aantal schoelen wordde ok in het Drents veurelezen. En dat was alvast een opwarmertie veur de Meertmaond-Streektaolmaond. Dan wordt er op hiel veul Drentse basisschoelen veurelezen in het Drents.
|
|
woensdag 13 januari 2010 |
 Um de twaalf liesttrekkers van de PvdA in Drenthe een hart onder de riem ste steken kwam Wouter Bos naor Hoogeveen. Veurzitter Anne Doornbos van het Huus van de Taol testte de minister op zien kennis van het Drents. Dat kun veul minder en daorum kreeg Wouter Bos de button van het Huus van de Taol opespeld. Anne beud de minister een puutie mit promotiemateriaal van het Huus van de Taol an.
|
|
woensdag 13 januari 2010 |
 Op dinsdagaovend 12 jannewari was de prissentatie van An de aovend, de eerste dichtbundel van Marchinus Elting tiedens het Alzheimercafé in het verpleeghuus De Bleerinck in Emmen. Der was een koppel volk kommen, wel een man of tachtig. Het eerste diel van de aovend was veur het ‘gewone’ Alzheimercafé, met ditmaol informatie over de dagbehandeling in De Iemenkorf. Nao de pauze was de prissentatie van de dichtbundel.
|
|
Lees meer...
|
|
woensdag 13 januari 2010 |
Het Huus van de Taol organiseert !REUR! in samenwarking met Vocal Music, Theater De Muzeval en Bibliotheek Emmen.
Het festival is groots en gevarieerd van opzet; der bint verrassende en gevulige optredens.
Wieder is der aandacht veur wetenschap, politiek en ontspanning.
Het streektaalfestival !REUR! is het spetterende begun veur Meertmaond Streektaolmaond. Klik hier um de webstee te bekieken.
|
|
Lees meer...
|
|
dinsdag 12 januari 2010 |
In Strunen in de Drèentse Taoltuun in het Dagblad van het Noorden vanm dinsdag 12 jannewari hef Abel Darwinkel het dizze keer over veugelties. Hij verwes naor gedichten van Lammert Braaksma.
|
|
Lees meer...
|
|
woensdag 06 januari 2010 |
RTV Noord zendt al tien jaor het meziekpregram Twij deuntjes veur ain cent op de radio oet. Grote man en prissentator is Henk Scholte, ok bekend van Törf. Tien jaor Twij deuntjes veur ain cent, ok wij fillesteert Henk Scholte.
|
|
woensdag 06 januari 2010 |
Daniël Lohues hef maondagaovend bij de neijaorsbijeeinkomst in Hotel Emmen de Buiskooltrofee kregen van de Drentse vereniging 't Aol Volk.
|
|
Lees meer...
|
|
maandag 04 januari 2010 |
In Strunen in de Taaltuun giet Abel Darwinkel in het Dagblad van het Noorden van dinsdag 5 jannewari in op gereedschap of te wel riw of reeuw. Hier kuj een mooi stukkie lezen over de hegeschèer.
|
|
Lees meer...
|
|
donderdag 31 december 2009 |
Het kantoor mag dan dichte zitten, de vrijwilligers gaot op pad! Het Huus van de Taol stund mit een kraompie op de Landlopersdag die op 27 december eholden weur bij het Gevangenismuseum in Veenhuzen. Het was een kolde dag, maar de grote belangstelling veur de streektaal zorgde veur veul binnenwarmte.
|
|
zondag 27 december 2009 |
Op 6 meert 2010 vindt der een groots opzet streektaolfestival plaots in Emmen.
Het festival zal een oetbundig begun weden van de 'Meertmaond-streektaolmaond'.
Op het festival stiet het Nedersaksisch centraal met verschillende dialecten en streektaol oet Grunnen, Drenthe, de Friese Stellingwarven, Overiessel en Gelderlaand.
De webstee van het streektaolfestival !REUR!
is on-line. Ie kunt hier klikken um de webstee te bezuken.
|
|
Lees meer...
|
|
zondag 27 december 2009 |
 
Op oldjaorsdag wordt der knieperdies eten. Knieperdies bint plat as symbool veur het olde jaor dat veurbij is en zuch dus al ofrold hef. Rollegies heur ie dan ok pas op neijaorsdag te eten: het neie jaor is nog hielemaol oprold.
Veur knieperdies bint veul recepten. Mangs is ’t beslag vloeibaar, mangs ok stevig.
|
|
Lees meer...
|
|
woensdag 23 december 2009 |
 Op woensdag 23 december is Jan Germs bij RTV-Drenthe verkeuzen tot Drent van het jaor. Tot zien verbazing kwam hij in de live-uutzending as eerste uut de bus mit 36 % van de stemmen!
Wij bint as Huus van de Taol natuurlijk slim bliede mit zien uutverkiezing!! Wat een geweldige opsteker veur de streektaal in Drenthe! Veur het filmpie van de uutslag kuj hier klikken.
|
|
vrijdag 18 december 2009 |
As bij een rechtzaak rechtzukenden zich dudelk uutdrukken wilt, dan magt ze mangs graag heur moerstaal gebruken. Dat hef Lia van Gastel (kantonrechter) hiel goed begrepen en zij volgde daorum al een stuk of wat cursussen in het Drents. Griffier Gea Lubben was van huus uut al Drentstalig, dus dat was makkelk. Wat mooi dat ok in de rechtzaal het belang van streektaal ineziene wordt.
|
|
woensdag 16 december 2009 |
Op woensdag 16 december keuzen de Provinciale Staten unaniem veur de anvraog erkenning Nedersaksisch onder deel lll van het Europees handvest voor regionale talen of talen van minderheden. Het is dudelk dat wij slim wies bint mit zukke bestuurders!
Het Huus van de Taol had as daank veur het warmholden van de streektaol veur elk Statenlid een gloepends mooie Huus van de Taol- sjaal miteneumen.
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 121 - 140 van 422 |
