|
maandag 14 december 2009 |
Der is een neie webstee van Gerrie van der Veen en Trijntje van der Scheer. Het giet zo'n beetie over heur programma Met een knipoog en een scholderklop. Aj hier klikken, kooj dervanzelf op. Ok kuj heur webstee vienden onder het koppie Verwiezings op oons Thoesblad. Kiek dan bij Streektaolmeziek
|
|
maandag 14 december 2009 |
Drok an 't Karstkaorten schrieven en dan denk ie... dan kan ok in 't Drents! Klik hier maar ies veur wat meugelkheden.En veur wat gedichten kuj hier klikken.
|
|
zondag 13 december 2009 |
  Op zundag 13 december bint in het programma 'Podium 30' van Lukas Koops de winnaars jaorlijkse Anfieter- en Zoorholtpries bekend emaakt. Jan Wierenga van het Dagblad van het Noorden wun de Algemene Anfieter Award. Dizze pries wordt deur het Nei Dreents Geneutschap uuteloofd an degene die het Drents op een biezundere manier positief onder de aandacht ebracht hef. De Zoorholtpries gung naor de karkelijke gemiente van Beilen. Veur het persbericht kuj hier klikken.
|
|
Lees meer...
|
|
woensdag 09 december 2009 |
  Op dinsdag 8 december is de Drentstalige uutgave van de Twaalf Profeten prissenteerd in de Hervormde Karke in Coevern. Een koppel volk kwam of op dit deur Jennie Lambers-Niers vertaalde wark. Het eerste exemplaar weur anebeuden an, Friese, collega uut Zweel, Jan Hylkema. De Drentse Cantorij 'Metandoen' o.l.v Jacques Bolhuis zorgde veur de muzikale ondersteuning.Hte boek kuj bestellen deur hier te klikken.
|
|
Lees meer...
|
|
vrijdag 04 december 2009 |
 
Gieniene kan nou nog zeggen dat ie het Huus van de Taol niet vienden
kan, want wij hebt er echt alles anedaone um oens plekkie
herkenbaar te maken. Een verlochte zuil bij de oprit en grote letters op de
gevel. Dudelker kan het niet, volgens oons.
En kiek nou zelf ies... Mooi toch!
|
|
woensdag 02 december 2009 |
 Van humzelf hoeft het natuurlijk niet, maar wij zet toch even op oonze webstee dat Jan Germs van het Huus van de Taol nomineerd is as Drent van het jaor 2009.
Dit jaor werd het Drents deur hum op een speciale manier in de aandacht ebracht. Het boekie Vueltaol, een Spaans-Nederlands-Drents woordenboekie in het kader van de Vuelta uutebracht, hef alle landelijke media
ehaald. Maar liefst 18.000 exemplaren vunden heur weg naor de liefhebbers. Dizze geweldige promotie van het Drents hef RTV doen besluten Jan Germs te nomineren as Drent van het jaor. Aj meer wilt weten over hoe aj stemmen mut, moej hier even klikken. Wij verwacht wel van oe daj de goeie keus maakt!
|
|
dinsdag 01 december 2009 |
Op zundag 13 december ankommend langt het Nei Drents Geneutschap weer de Algemiene Anfieter Award en de Zoorholtpries oet.
Dat gebeurt in het programma Podium 30 op Radio Drenthe, dat prissenteerd wordt deur Lukas Koops.
Aj meer weten wilt, moej hier maor even klikken.
|
|
Lees meer...
|
|
dinsdag 01 december 2009 |
  De neie - al weer de zesde - cd van Harm & Roelof is vrijdag 27 november lestleden prissenteerd in Roelof zien theatercafé De Deel in Slien. De beide artiesten hebt heur neiste poppie de naam Zolt van de zee geven. Het eerste exemplaar weur oetlangd an Geert Roeles, wetholder van de gemiente Coevern. Roeles is liefhebber-van-het-eerste-uur van het Drentstaolige duo. Ie kunt de cd bestellen via de webwinkel van Harm en Roelof.
|
|
dinsdag 01 december 2009 |
Jennie Lambers-Niers hef de Twaalf Profeten vertaald in het Drents. Op dinsdag 8 december wordt dizze Drentstalige uutgave prissenteerd in de Hervormde Karke in de Karkstraote in Coevern. Um 19.30 uur begunt dizze feestelijke bijienkomst die opeluusterd worden zal deur de Drentse Cantorij 'Metandoen' o.l.v Jacques Bolhuis. Belangstellenden bint van harte welkom.
|
|
Lees meer...
|
|
dinsdag 01 december 2009 |
 In het Dagblad van het Noorden verwes Abel DArwinkel naor twee Sinterklaosverhalen. Veur het verhaal van Peter van der Velde kuj hier klikken en veur het verhaal van Ali Brals-Luinge kuj hier klikken.Veur liedties moej dan hier maar klikken.
|
|
Lees meer...
|
|
zaterdag 28 november 2009 |
Op 19 december wordt in Heinkenszaand in Zeeland veur de tweede keer het Dialectpopfestival organiseerd. De Ragebollen uut Drenthe dingt mit naor de titel Beste Dialectact 2009 (een initiatief van de Stichting Nederlandse Dialecten en Streektalen).Veurig jaor is dizze pries deur Van Wieren uut Friesland ewunnen. Veur meer informatie over het dialectpopfestival kuj hier klikken.
|
|
zaterdag 28 november 2009 |
De schriever van de bekende roman Bartje, Anne de Vries, kreg een biografie. Bij uutgeverij Kok in Kampen komp in februari Een zondagskiend uut. De biografie is eschreven deur zien zeun, Anne de Vries junior. Uutgeverij Callenbach zal kort nao het verschienen van de biografie o.a. het boek Bartje opnei uutbrengen. Het boek Bartje is ooit in het Drents vertaald deur Gerrit Kuipers uut Möppel.
|
|
vrijdag 27 november 2009 |
 De Eshorst in Beilen gaf an zien groep 6 de opdracht um een onderwarp uut te diepen en er een tentoonstelling van te maken. Een koppeltie kiender vund het Huus van de Taol en het Drents wel een goeie keus. En as oen moe in het Huus van de Taol warkt, dan kooj ok nog makkelk an materiaal! Kiek op de foto naor het risseltaat.
|
|
donderdag 26 november 2009 |
Veur de tweede keer dit seizoen stiet er in Veeningen bij Restaurant Poortman een Taal aan Taofel op het programma. Op zundag 29 november ontvangt gastheer Rieks Siebering de volgende gasten: Suze Sanders, Huib Minderhoud en Bert Kamping. De muzikale ondersteuning is in haanden van Geert Jan Brader, die vast en zeker wat van zien neie cd lat heuren.
|
|
Lees meer...
|
|
woensdag 25 november 2009 |
 Jan Luiken Bos, Jos Meulman en Bernard Meulman vörmt met zien drieën De Fiebeldekwinten. Op cd-gebied hef het feilijk veul te lang stil west. Van 1996 of - toen kwam de spiegelplaat Kunsten oet - beparkten de drie manlu zuch tot optredens. Maor… an dizze stille periode is een èende kommen. Op zundag 22 november lestleden hebt De Fiebeldekwinten heur neie cd prissenteerd. De naam is niet moeilijk te ontholden: Fiebeldekwinten.
|
|
Lees meer...
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 141 - 160 van 422 |
