|
maandag 16 november 2009 |
 Ali Brals-Luinge, Drèents schriefster, is 13 november oet de tied kommen. Zij hef verscheiden dicht- en verhaolenbundels schreven en boetendes was zij lid van de eerste Drèentse spellingkemissie die in de jaoren ’80 een officiële spelling veur het Drèents ontwikkeld hef.
|
|
Lees meer...
|
|
donderdag 12 november 2009 |
 Zaoterdag komp Sinterklaos an in oons laand en dan kuw weer schoenen zetten en liedties zingen.
Maak Sinterklaos ies bliede en leer de kiender Drentse Sinterklaosliedties. Aj hier klikt dan kuj metien begunnen. En aj hier klikt kuj een mooi verhaal van Peter van der Velde over Sinterklaos lezen.
|
|
dinsdag 10 november 2009 |
 Elf november is de dag. Dan is ’t weer Sint-Meerten. De kinder gaon an de deuren langes, zingen een mooi leeidtie en kriegen slikkerij of centen.
Dat zingen kunnen de kinder vanzölf ok in ’t Drèents dooun. Hieronder kuj een stuk of wat Drèentse Sint-Meerten leeidties lezen:
|
|
Lees meer...
|
|
dinsdag 10 november 2009 |
 SomBy hef Liet 2009 wonnen, het songfestival veur Europese minderheidstaolen. Somby is een jonge Sámi rockband die in het Samisch ('Laps') zingt. Ze kommen oet het noorden van Finland, wied boven de poolcirkel. SomBy hef in het Paasweekèende de Sámi Grand Prix 2009 wonnen. De Sámi Grand Prix is het songfestival veur alle Sámi (Lappen) van Noorwegen, Zweden, Finland en Rusland, dat aal jaor organiseerd wordt in de plaots Kautokeino in het binnenlaand van de Finnmark.
|
|
Lees meer...
|
|
dinsdag 10 november 2009 |
 De Drèentse schriever Erik Harteveld hef saomen met Sophie Timmer, radioprissentator bij RTV Drenthe een Nederlaandstaolige plattelandsnovelle schreven. ’t Boouk heeit Zwiers Mechanisatie en geeit over Boele en Maria, tweei jonge mèensen in een dörp.
’t Boouk is oetgeven deur Oetgeverij Kleine Uil. Vrijdagmiddag 6 november is ’t prissenteerd bij booukhandel Daan Nijman in Roon.
|
|
Lees meer...
|
|
dinsdag 10 november 2009 |
  Zo hiel stillegies en staodigiesan dringt deur dat streektaol weerdevol is, ok in het underwies. Het is een prachtig immaterieel cultuurgoed en ok nog ies goed veur de algemiene taolontwikkeling. Op het Drenthe College in Emmen hebt umdebij 150 studenten in week 45 de warkwinkel Streektaol en streektaoligheid volgd.
|
|
Lees meer...
|
|
vrijdag 06 november 2009 |
  Op vrijdag 6 november wordt op het Koopmansplein um acht uur 's aovends op spectaculaire wieze de Drentse Boekenweek lösedaone mit de Drentse rap deur Desean, Desmo en DAB
en de breakdancers Unknown People. De officiële openingshandeling zal verricht worden deur Jacques Tichelaar. Veur meer informatie kuj op www.hetdrentseboek.nl kieken of ie klikt gewoon even hier
|
|
dinsdag 03 november 2009 |
 Met een dikke week is 't weer gaanzemarkt in Coevern en dan is 't weer feest in de oldste stad van Drenthe. Harm en Roelof hebben jaoren leden een prachtig leeid schreven over een 'toggel jongs oet Slien die op fiets hen de gaanzemark in Coevern gaon'.
|
|
Lees meer...
|
|
donderdag 29 oktober 2009 |
 Anne Hoogebrug (in dagelijks leven Freerk Mulder) uut Peize hef zien gedichtenbundel As ain paor ogen sloeten prissenteerd. De eerste exemplaren waren veur Anneke Mensen en Redmer Lunsche. Der staot bijna honderd gedichten in het boekie en een aantal hiervan is al publiceerd ewest in regionale streekbladen. Aj belangstelling hebt kuj veur € 12,50 een exemplaar bestellen via
Dit e-mail adres is beschermd door spambots, u heeft Javascript nodig om dit onderdeel te kunnen bekijken
.
|
|
donderdag 29 oktober 2009 |
 De zwemclub in Borger hef veur zien trouwe supporters een mouwhemd mit toepasselijk opschrift maken laoten. Wat zult ze hard zwemmen daor in Borger mit zukke toeschouwers!
|
|
woensdag 28 oktober 2009 |
 De Grunnegse folk-bluesband De Provaaiders hebben een neie cd oetbrocht met de titel Zun. Ze promoten dizze neie tiedens een tour deur de previncies Grunnegerlaand, Freeislaand en Drenthe. De Provaaiders besteeit oet vief muzikanten die in Drenthe wonen mor heur wortels in Grunnegerlaand hebben en ok in de Grunnegse taol zingen.
|
|
Lees meer...
|
|
dinsdag 27 oktober 2009 |
 
Het Huus van de Taol organiseert weer een schriefwedstried. Het thema is Winter. Een onderwarp waor vast veul meinsen mit uut de voeten kunt. Winter is natuurlijk meer as snei en euliebollen. Laot je inspireren deur de winter en schrief een verhaal of een gedicht.
|
|
Lees meer...
|
|
zondag 25 oktober 2009 |
Ria Westerhuis is bekend van de erotische Drèentse dichtbundel ‘Minnezinne’, die zij saomen met Delia Bremer schreven hef. Op zaoterdag 24 oktober is de cd ‘Dichter bij elkaar’ van Ria Westerhuis en gitarist Rob Zandgrond prissenteerd in de theeschenkerij van Huize Welgelegen op Koekange.
Op dizze cd staon 10 gedichten van Ria Westerhuis die zij veurles onder begeleiding van Rob Zandgrond op gitaar.
De gedichten worden veurlezen in de streektaol van de Reest, mor ok in het Nederlands.
|
|
donderdag 22 oktober 2009 |
 Het boek Psalms en gezangen in 't Drèents is in 1991 oetkommen bij Stichting Het Drentse Boek. De vertaolers Janny Alberts-Hofman, Jans Jeuring, Jan Kuik, Gerrit Kuipers en Wim Wagter hebben der dik zeuven jaor met gangs west en ok de toenmaolige sikketaoris van het Drents Genootschap, Harry Slot, hef der haard an waarkt.
Het boekie is noe digitaol beschikbaor.
|
|
Lees meer...
|
|
woensdag 21 oktober 2009 |
 Bij oetgeverij Noordboek is Laot de haon maor kreien, een bundel met Drentse verhaolen van Bas Luinge oet Grol verschenen. Bas Luinge (1944) is geboren en opgruid in Grol. Hij schrif over de dingen die hij metmaokt met zien vrouw, kinder en kleinkinder, mor ok over eerder en over lu die bij hum in ’t dörp wonen.
|
|
Lees meer...
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 161 - 180 van 422 |
