|
woensdag 07 oktober 2009 |
 Haost iederiene kent het gedichie van de Schötteldoek. Hoe wieder het varsie, hoe viezer de doek. Wij kregen de Ostfraize variant toeestuurd. Dizze kuj beluustern aj wieder leest. Daor kuj naost de Drentse ok de Grunninger versie lezen.
|
|
Lees meer...
|
|
dinsdag 06 oktober 2009 |
 Prieswinnares Toni Norg nam dinsdagmorgen heur Drentstalige Tomtom in ontvangst. Zij had dit handige en schier onmisbare apparatie ewunnen mit oonze fotowedstried Kiek ies een Drent. Heur foto was emaakt in Uganda toen ze op bezuuk was bij heur dochter. De winnende foto kuj vienden aj mit de moes over het thoesblad naor beneden rolt.
|
|
dinsdag 06 oktober 2009 |
 Op de webstee van het Meertens-Instituut kuj originele opnaomes beluustern van mèensen die streektaol praoten. Die opnaomes binnen maokt tussen 1950 en 1990, meeist met een cassetterecorder. De kwaliteit van ’t geluud is niet zo best, mor aj gooud luustern, kuj toch veul over de verschillen in de streektaolen in Nederlaand gewaor worden. Gelukkig binnen der ok een koppel Drèentse opnaomes bij. Luuster mor ies.
|
|
vrijdag 02 oktober 2009 |
 Gerard Stout verraste op 1 oktober de 253 literatuurclubs in Drenthe mit een exemplaar van zien In Paradisum. Het is de eerste keer dat dizze clubs een bundel in de streektaol opneemt in heur programma. Lees meer bij de webstee van Het Drentse Boek
|
|
woensdag 30 september 2009 |
 De provincie Grunning stuurt 44 ambtenaren op een cursus Grunnings. Zij kriegt zo meer kennis van heur eigen taal en zij kunt zo het provinciebestuur helpen in de strijd um Europese erkenning van de Grunninger taal. Begunners gaot veural Grunnings leren praoten en de lui die wieder bint, kriegt les in de grammatica en in de Grunninger cultuur. De lessen wordt egeven deur docenten van het Huis van de Groninger Cultuur en de Stichting Grunneger Toal. Dit plan verdient naovolging!
|
|
woensdag 30 september 2009 |
 De Drèentse Vereniging ’t Aol’ Volk organiseert op vrijdag 9 oktober 2009 weer de veurdrachtwedstried veur de jeugd t/m 16 jaar in de grote zaol van theater de Muzeval in Emmen. De aovend begunt om 19.00 uur, je kunnen der veurgeefs in.
|
|
Lees meer...
|
|
woensdag 30 september 2009 |
 Je kunt het je zowat niet veurstellen, maor het Nedersaksisch Vocaal Ensemble is al weer drieëneenhalf jaor an de loop. Beter zegd: an de zang. Um de drie week wordt er in Grol rippeteerd deur de 27 leden van het koor. Dat gebeurt nog altied under leiding van Herman Koster en under begeleiding van Jeroen Jongejan op piano en Saskia Abbes op dwarsfluit.
|
|
Lees meer...
|
|
donderdag 24 september 2009 |
 
We ontvangt kinder geern op “Een middaggie Drents in het Huus van de Taol” op zundag 4 oktober.Der zal dizze nommedag een ofwisselnd pregram weden van veurlezen deur Herma Stroetinga en zingen mit Martijje! En umdat het ok nog dierendag is, zal de Kleindierenvereniging Midden Drenthe der wezen mit een knuffelbak mit knienties en ander gezellig gerei. Wij begunt um 14.00 uur en um 15.30 uur kan iederien weer op huus an.Veur een overzicht van Oktobermaond-kiendermaond kuj hier klikken.
|
|
donderdag 24 september 2009 |
 Der gebeurt gloepends mooie dinger op streektaolgebeid. Iene daorvan is het preject Zingen in de basisschool - Schoolkorenslag. Basisschoelen in de previncies Drenthe en Overiessel wordt anpeerdjed um an de slag te gaon met structureerd zangunderwies.
Schoelen die dit mooie preject oetvoert, kunt ok nog besluten um met te doen an Schoolkorenslag. Zie moet dan oet de handleiding drie liedties heuren laoten en daor mot in elk geval ien lied in de streektaol bij weden.
|
|
Lees meer...
|
|
woensdag 23 september 2009 |
 Nao riep beraod van de jury is de uutslag van de fotowedstried Kiek ies een Drent bekend. Winnares Toni Norg uut Hooghaolen maakte in een toepasselijk mouwhemd een foto in Uganda en stuurde die an oons op. Hiermit wint zij de Drentstalige tomtom, die wij veur dizze wedstried hadden uuteloofd . Wij weinst heur der veul plezier mit. Altied handig as ze nog ies weer naor Uganda giet! Wij bedaankt alle deelnemers veur heur inzendings.
|
|
dinsdag 22 september 2009 |
 Wie wil de wielerploeg van het Huus van de Taol komen verstarken deur ok in zo'n mooi Drentstalig pakkie rond te gaon fietsen? Al belangstelling hebt kuj dat deurgeven an het Huus van de Taol ( 0593 371010). As wij een wat grotere hoeveulheid bestelt dan kunt wij zo'n pakkie veur ongeveer 60 euro anbieden. Maar let wel, dan hebbe wij een hiele bulte liefhebbers neudig. Ie kunt ok an oons
Dit e-mail adres is beschermd door spambots, u heeft Javascript nodig om dit onderdeel te kunnen bekijken
|
|
donderdag 17 september 2009 |
  Willem Wilms is een ‘Drent in de vrömde’; hie woont in Zevenaar. Willem is altied actief bleven op het gebied van Drents. De Drentse spelling beheerst e hiel goed. Understaond berichie komt van hum. Wal aordig um even te lezen.
|
|
Lees meer...
|
|
zondag 13 september 2009 |
 Dit seizoen wordt er op drie plaatsen Taal aan Taofel organiseerd! Naost het vertrouwde adres van Poortman in Veeningen en De Klokbeker in Norg zal nou ok in Slien in De Deel van Roelof Klinkhamer veer keer Taal aan Taofel worden eholden. Prissentatie hier in haanden van Gezienus Omvlee. Veer meer informatie kuj hier klikken.
|
|
woensdag 09 september 2009 |
 Ik kan mij veurstellen daj van de kop boven dit artikelie niet veul sukkela maken kunt. Graag u en meneer - of de naam nou vrumd is of niet - is de titel van het neie tenielstuk dat Harm Dijkstra veur ’t Aol Volk in Emmen schreven hef. Het speult zuch of op de secretarie van een klein gemientehoes op het plattelaand an ’t begun van de zeuventiger jaoren van de veurige ieuw.
|
|
Lees meer...
|
|
dinsdag 08 september 2009 |
 In het kader van het Mariekejaor 2009 in Schoonoord is der vleden zummer een verhaolen- en gedichtenwedstried organiseerd. Elkeneein kun insturen. Vleden zaoterdag binnen de priezen oetlangd. Hennie Stokker-Stadman hef de eerste pries wonnen in de categorie verhaolen en Marchinus Elting in de categorie gedichten. Het Huus van de Taol fillesiteert beide schrievers met de pries. Het verhaol van Hennie Stokker en het gedicht van Marchinus Elting lezen bij 'lees meer'
|
|
Lees meer...
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 181 - 200 van 422 |
