De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.
Mededeling
Wat veur Drèents kuj hier lezen?
De teksten op dizze webstee binnen schreven in een stuk of
wat varianten van het Drèents. Het huus van de Taol vindt aal soorten Drèents
hartstikke mooi. Of een tekst noe schreven is in 't Noord-Drèents van Rowol, 't
Veenkeloniaols van Valthermond, 't Zuudoostzaand-Drèents van Oring, 't
Zuudwest-Drèents van Zuudwolde, of 't West-Drèents van Diever, dat maokt niks
oet.
De
volmachten van het Nei Drèents
Geneutschap hebt zundag 13
december lestleden in het radiopregram Podium 30 de Algemiene Anfieter Award 2008 toekend an de Stenden Hogeschoel/PABO
in Emmen.
De Zoorholtpries 2008, veur het achteruuthelpen van de streektaol, gung naor de gemiente ‘t Ogeveine.
Veur de allerleste keer hebt de vrouwlu van het Vrouwentoneel Erica op de planken staon.
Vrijdagaovend 12 december en zundagnommedag 14 december was ’t Schienvat op Erica nog ienmaol vol met tenielliefhebbers.
Het Drents Symfonieorkest hef in verband met heur 50-jaorig jubileum een compositieopdracht geven an Carlos Micháns, die dreei gedichten van Suze Sanders op meziek zette. De première daorvan was op 11 oktober in Assen in het Previnciehoes.
Maor in jannewaori giet het DSO nog veer maol een concert geven, op verscheidene plaotsen in Drenthe, waorbij dat stuk ok oetvoerd wordt. Het Meppeler Kamerkoor Cigale zal de tekst zingen.
Zaoterdag 17 januari NH Kerk te Westerbörk um 20.00 uur, zondag 18 januari NH Kerk in Haovelt um 15.00 uur, donderdag 22 januari NH Kerk te Vries um 20.00 uur en vrijdag 23 januari in de NH Kerk te Coevern um 20.00 uur.
In het dorp Grossefehn ( 45 km over de grens) in Oost-Friesland in Duutslaand viendt de gemienteraod dat het plaatselijk dialect de ontwikkeling van het dorp in de weg stiet. Straotnamen wordt daorum um-ezet in het Hochdeutsch. De veurzitter van de Partei der Friesen viendt het niks, hij wil het culturele erfgoed in de regio beholden. Jammer dat er gien Zoorholtpries in Duutslaand bestiet. Dan wusse wij wel waoras die hen gung!
Zundag 14 december wordt deur het Nei Drèents Geneutschap de Zoorholtpries in Drenthe uutereikt in het radioprogramma Podium 30 bij RTV Drenthe. De pries wordt jaorlijks samen met de Anfieterpries uutereikt. Zoorholt stiet veur dood holt. Het zoorholt werd vrogger anebeuden an een magie dat deur heur vriend in de steek elaoten was. De pries is symbolisch veur het in de steek laoten van de streektaol. Der bint genomineerden: de gemiente Hoogeveen, umdat het reclame mak met de letter H, terwijl ze dat toch echt met de letter O van Ogeveine zullen doen moeten. Verder bint nomineerd: gemiente de Wolden, die nao een jaor alweer stopt mit de subsidiëring van het Huus van de Taol en de darde is de veurzitter van de raodscommissie van de gemiente Noordenveld die het Drents niet as taal in de vergaderzaal toelat.
Veur de Anfieterpries wordt de gemiente Coevern nomineerd umdat zij Drents op heur website gebruukt. Ok de Stenden Hogeschool komp in anmarking, umdat zij het Drents opneemt in heur lesprogramma.
Onlangs werden wij ebeld deur een aordige mevrouw van voetbalvereniging GRC uut Grunnen dat daor een zwart jassie hung. Zij was in ien van de zakken een briefie tegenekomen mit het logo van het Huus van de Taol derop. Zij dacht op die manier achter de eigenaar van het zwarte jassie te komen. Mis ie zo'n zwart katoenen jassie en loop ie mit briefies van oons in de buze, bel dan even naor kantoor, dan geve wij oe het nummer van de voetbalvereniging.
Het is nog wied vort, maor ‘tied vliegt', zoas Alina Kiers van de Bende van Baflo Bill al ies zee. Daorum alvast wat meer informatie over de tweijaorlijkse Nederlandse Dialectendag, die op 28 meert 2009 in De Tamboer in Hoogeveen holden wordt. Dizze streektaoldag stiet veur de tiende keer op de kalender. Nao Mechelen (B), Middelburg, Ede en aandere plaotsen in zudelijke streken is eindelijk het noorden van oes laand an de beurt. En dan giet het ok nog ies um een jubileum, want het is de tiende. Het thema is ‘Groeten en afscheid nemen'.
Op vrijdag 28 november j.l. geneut een groot aantal meinsen van het tweejaorlijkse streektaolfestival Deuren lös. Nao het inleidende verhaal van Anne Doornbos speulde No Name Nederlands- en Drentstalige nummers. Hiernao kun iedereen kiezen uut drie programma’s: Vrouwentoneel Erica speulde een ienakter, Gerard Stout werd ondervraogd deur Albert Haar en Martijje Lubbers, Rob Elfrink en Johan Veenstra losten mekaar of in de bovenzaal. No Name speulde tot half twaalf de sterren van de hemel en daorna gungen de deuren van Meursing weer dichte. Bertus ten Caat maakte van de aovend een filmpie.
Der hebben dizze haarfst honderd mèensken een cursus volgd bij het Huus van de Taol.
De cursussen in Bunerveen, Eel en Schonebek binnen al weer oflopen, mor in Ein, Hooghaolen, Daolen en Oring binnen ze nog gangs met de leste lessen.
De leste les van een cursus is altied een feestelijke angelegenheid. De cursisten kriegen dan een mooi getuugschrift as ze teminnen gooud heur best daon hebben.
Bekiek de foto’s hieronder mor ies van de ofslutende les in Schonebek.
Veur ankommend jaor staon der in feberwaori en meert cursussen in Roon, Assen, Dwingel en Möppelt op de agenda. In Hooghaolen gaon ze gangs met de vervolgcursus Dieper deur Drenthe. Aj ok ies een cursus van het Huus van de Taol volgen willen, kuj contact opnemen met
Dit e-mail adres is beschermd door spambots, u heeft Javascript nodig om dit onderdeel te kunnen bekijken
0593-371010
Woensdag 26 november hef de Statenkemissie Cultuur en Welzijn op het Previnciehoes in Assen een extra bijienkomst had um te lustern naor een hieleboel instellingen die heur zeggie doen wolden over de neie Sociale en Culturele Agenda veur de kommende jaoren. Veur het Huus van de Taol hef veurzitter Anne Doornbos het woord voerd. Zien inspraakverhaal is slim de muite weerd. Daorum kuj hum hier hielemaol lezen.
Raozend populair bint pregramma’s, waorvan de titel begunt met ‘the making of…’. Bijgaonde foto’s kuj in dat kader zien en dan zul de tekst weden kunnen: ‘Hoe wordt ze nog een beetie toonbaar maakt, veurdat Jasbuus vol Drents opnummen worden kan’. Eerst mot der poederd worden en nog ies poederd. Dan zit de makers eerst nog wat oetgezakt op de krukken, maor oeteindelijk komt der toch een straolend tweital op batterij.
Zundagaovend 23 november was het Atrium van RTV Drenthe knap vol en klunk der gloepends mooie meziek. Der waren namelijk opnames veur het kerstpregram Hillige Daag. Marike Schepers, Margot Kriek, Martijje Lubbers en Bert Kamping zungen gloedneie kerstliedties op de meziek van Want2Swing Bigband under leiding van Marco Kerver. De mieste teksten die dizze aovend te heuren waren, bint schreven deur Marjolein Scherphuis.
Kerstliedties met bigbandbegeleiding: verrassend en mooi. Hillige Daag wordt oetzunden op TV Drenthe op kerstaovend. Op tweide kerstdag kuj het op Radio Drenthe nog ies heuren.
Zaoterdag 22 november lestleden is SDMM2, de neie spiegelplaat van de Stichting Drentse Muziek Maatschappij, prissenteerd. Dat weur daon op het stadhoes in Assen, waor de raodzaal tegen drie uur goed vol zat. Veurzitter Egbert Meijers voerde eerst het woord en stukte oet wat der allemaol gebeurd is op het pad naor de oetgave van het jongste poppie van de stichting.
Wat hierboven stiet, is de naam van de lezing, die Egbert Meyers ontwikkeld hef.
Egbert har al veul langer een schiere lezing over streektaolmeziek, maor hie hef hum hielemaol anpast en met eigentiedse media verneid.
Daordeur wordt een aovend met Egbert nog boeiender en interessanter.
Aj der meer over weten wilt, moej maor even wieder lezen.
Der
bint gelukkig hiel wat lu, die bij oes een cursus volgt. De mieste mèensen
vindt het slim mooi en de muite weerd. Tegen het ende van een serie lessen
kriew nogal ies de vraog of der niet een meugelijkheid is um het Drèents ok
echt te leren proten. Die vraog weur zo vaak steld, daw an de loop gaon bint
met het ontwikkeln van een Prootcursus Drèents.
Harm Jan Lesschen, Joop Fidom, Elly Fidom, Jantien Assies, Jan Boelens, Abel
Darwinkel en Jan Germs vörmt de warkgroep.
Het Drents Symfonieorkest hef in verband met heur 50-jaorig jubileum een compositieopdracht geven an Carlos Micháns, die dreei gedichten van Suze Sanders op meziek zette. De première daorvan was op 11 oktober in Assen in het Previnciehoes.
Onlangs werden wij ebeld deur een aordige mevrouw van voetbalvereniging GRC uut Grunnen dat daor een zwart jassie hung. Zij was in ien van de zakken een briefie tegenekomen mit het logo van het Huus van de Taol derop. Zij dacht op die manier achter de eigenaar van het zwarte jassie te komen. Mis ie zo'n zwart katoenen jassie en loop ie mit briefies van oons in de buze, bel dan even naor kantoor, dan geve wij oe het nummer van de voetbalvereniging.
Het is nog wied vort, maor ‘tied vliegt', zoas Alina Kiers van de Bende van Baflo Bill al ies zee. Daorum alvast wat meer informatie over de tweijaorlijkse Nederlandse Dialectendag, die op 28 meert 2009 in De Tamboer in Hoogeveen holden wordt. Dizze streektaoldag stiet veur de tiende keer op de kalender. Nao Mechelen (B), Middelburg, Ede en aandere plaotsen in zudelijke streken is eindelijk het noorden van oes laand an de beurt. En dan giet het ok nog ies um een jubileum, want het is de tiende. Het thema is ‘Groeten en afscheid nemen'.
Zundagaovend 23 november was het Atrium van RTV Drenthe knap vol en klunk der gloepends mooie meziek. Der waren namelijk opnames veur het kerstpregram Hillige Daag. Marike Schepers, Margot Kriek, Martijje Lubbers en Bert Kamping zungen gloedneie kerstliedties op de meziek van Want2Swing Bigband under leiding van Marco Kerver. De mieste teksten die dizze aovend te heuren waren, bint schreven deur Marjolein Scherphuis.
Wat hierboven stiet, is de naam van de lezing, die Egbert Meyers ontwikkeld hef. 
Der
bint gelukkig hiel wat lu, die bij oes een cursus volgt. De mieste mèensen
vindt het slim mooi en de muite weerd. Tegen het ende van een serie lessen
kriew nogal ies de vraog of der niet een meugelijkheid is um het Drèents ok
echt te leren proten. Die vraog weur zo vaak steld, daw an de loop gaon bint
met het ontwikkeln van een Prootcursus Drèents.
Harm Jan Lesschen, Joop Fidom, Elly Fidom, Jantien Assies, Jan Boelens, Abel
Darwinkel en Jan Germs vörmt de warkgroep.