|
zaterdag 22 mei 2010 |
 Op vrijdag 21 mei is op de Zietak het bronzen borstbeeld van Max Douwes onthuld. Haost iederiene kent Max Douwes as Mans Tierelier mit zien radiofiguren Ol' Domnee, Jans Druppien en Klein Rieksie. Mevrouw Bep Douwes was ien van de anwezigen bij de onthulling van het beeld dat deur Lia Krol emaakt wordde. Dankzij inzamelingsacties onder leiding van Historische
vereniging Carspel Oderen en Dorpsbelang Klijndijk is Max Douwes nou
terugge op de Zietak. Harm Dijkstra schreef speciaal veur de gelegenheid een lied.
|
|
Lees meer...
|
|
zaterdag 22 mei 2010 |
Wie het aordig lek um oons Jaorverslag van 2009 te bekieken, kreg hierbij de gelegenheid. Ie kriegt dan een overzicht van de activiteiten die wij veurig jaor as Huus van de Taol uutevoerd hebt.
|
|
vrijdag 21 mei 2010 |
 De Grunneger dichter Driek van Wissen is donderdag 20 mei onverwacht uut de tied ekomen. Hij was van 2005 tot veurig jaor dichter des vaderlands. Nog gien maond eleden was Driek te gast bij de prissentatie van de dreidelige serie van Roel Reijntjes en dreug daor een prachtig gedicht veur. Driek van Wissen is 66 jaor eworden.
|
|
woensdag 19 mei 2010 |
 De neiste single Glimlach van Martijje! uutebracht op 24 meert is een hit in Drenthe. De single stiet nou bovenan de hitparade van RTV Drenthe: de Drentse Dertig. Heur eerste single Hier in Drenthe haalde veurig jaor ok al de eerste plaats in de populaire hitliest van Drenthe. Martijje warkt hard aan een nei album. Veur meer neis kuj kieken op de webstee van Martijje!
|
|
woensdag 19 mei 2010 |
Het is nog steeds fris in Drenthe. De zunne schient dan wel helderop,
maar zomer is 't nog
lange niet. En op oons stapeltie inzendings van de schriefwedstried
ligt nog zulke mooie dingen, dat wij ‘t niet laoten kunt er toch nou ook
al wat
stukkies van te laoten zien. Later in 't jaor zul wij dan nog wat
verhalen en
gedichten die past bij de tied van 't jaor op de webstee plaatsen.
|
|
Lees meer...
|
|
vrijdag 14 mei 2010 |
  Annie M.G. Schmidt is misschie wel de beste kinderbooukenschriever van Nederlaand west. Met Jip en Janneke, Otje en ’t Schaop Veronica hef zij personages schaopen die kinder nog aal anspreken. Annie Schmidt is geboren op 20 mei en daorom is die dag oetrooupen tot Annie Schmidtdag.
|
|
Lees meer...
|
|
vrijdag 14 mei 2010 |
De Stichting Drentse Muziek Maatschappij prissenteert zaoterdag 15 mei de daarde cd: SDMM 3. Dat gebeurt in het radiopregram Hemmeltied van Radio Drenthe. Net as de beide veurige cd’s staot der op SDMM 3 liedties van anstörmend talent, zowal op het gebied van tekstschrieven as van oetvoerenden. Beslist de muite weerd.
|
|
woensdag 12 mei 2010 |
Het is nou een paar weken eleden dat de uutslag van de schriefwedstried bekend emaakte wordde. De prieswinnaars hebbe wij al in het zunnegie ezet. Dat kuj elders op dit thoesblad lezen. Maar der is ok nog veul interessants over overige deelnemers te vertellen.
|
|
Lees meer...
|
|
dinsdag 11 mei 2010 |
Vanof volgende weke bint der e- readers te huur in de bibliotheken. Een
e-reader is bedoeld veur het lezen van digitale boeken. Veur vief euro
per weke kunt de leden de e-reader maximaal twee weken huren. Op de
e-reader staot naost romans, detectives en een jeugdboek ok een Drents
boek!
|
|
dinsdag 11 mei 2010 |
 Aj van tenielspeulen holdt en aj Drents proten kunt, dan moej der bij weden. Jan Veenstra schref een ienakter, die deur Rob van der Ree regisseerd wordt. In november is de eerste opvoering en het is de bedoeling het stuk tot an de zummer van 2011 een maol of tien te speulen. En veur dizze ienakter zuuk wij enthousiasten speulers en speulsters
Veur meer informatie moej maor even wieder lezen. Je mugt ok rechtstreeks contact opnimmen met het Huus van de Taol aj meer weten wilt of aj je anmelden wilt kuj een
Dit e-mail adres is beschermd door spambots, u heeft Javascript nodig om dit onderdeel te kunnen bekijken
sturen of bellen (0593) 371010.
|
|
Lees meer...
|
|
zondag 09 mei 2010 |
 Harm Dijkstra uut Sleen schref dit jaor een oldejaorsconference veur de gemiente Coevern. Samen mit Roelof Klinkhamer giet hij die opvoeren in theaterboerderij De Deel in Sleen. Der is ien aovend risserveerd veur de gemiente Coevern en de aandere drei bint bestemd veur algemien publiek. Het jaor 2010 wordt op de korrel eneumen in dizze revue en is bedoeld um de inwoners op een verneiende wieze bij de gemiente te betrekken. Hol de agenda van de Deel in de gaten.
|
|
donderdag 29 april 2010 |
 Wij dachten dat het niet mooier kun, maar de Wattweg in Beilen is alweer geweldig opeknapt! Het Huus van de Taol is vanof vandage opesierd mit Drentse woorden. Aj niet direct kunt komen kieken, dan hej hier een veurpruufie.
|
|
Lees meer...
|
|
donderdag 29 april 2010 |
Oeze metwarker Abel Darwinkel is drei keer in de weke op TV Drenthe te bewondern in ’t programma Jasbuus vol Drents, mar op vrijdagaovend 30 april is hij ook te zien om 20.50 uur op Nederland 2 in ’t programma Met het Mes op Tafel met prissentator Joost Prinsen.
Aj weten wilt of e mit een dikke puut mit geld naor huus giet, muj zeker even kieken.
|
|
dinsdag 27 april 2010 |
Abel Darwinkel schref in het Dagblad van het Noorden van dinsdag 27 april over Ekkelbieters. Hij verwes daorbij naor een verhaol van Jan van Ginkel en naor een gedicht van Lammert Braaksma.
|
|
Lees meer...
|
|
zondag 25 april 2010 |
 
Hoe is het meugelijk?!?! In Jasbuus vol Drents op 25 april zeg Jan Germs, dat een mier tegenwoordig zowat nooit meer een iegelkoor nuumd wordt. Nou, dat is niet zo biezunder, want een iegelkoor is - ok in het Drèents - nooit een mier. Het is een 'egel'. Hoe dat soort fouten in het brein van een mens terecht komt, is grootkans voer veur psychologen, maor 't is niet aans.
Een mier = mieghummel, pismieger. Een egel = iegelkoor, stiekelzwien, stiekelvarken, stiggelvarken enz.
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 41 - 60 van 422 |
