|
dinsdag 23 maart 2010 |
 Taolkundige Sharon Unsworth gef leiding an het ‘Early Child Bilingualism’-preject. Het giet um een groot underzuuk naor invloeden van meertaolige taolontwikkeling. Sharon Unsworth zeg zölf: “Underzuuk leert dat tweitaoligen vaak flexibeler en creatiever denkt as ientaoligen.” Veur een samenvatting van het artikel over dit underzuuk dat in Onze Taal 2/3 van 2010 staon hef, kuj hierunder wieder lezen.
|
|
Lees meer...
|
|
dinsdag 23 maart 2010 |
Al weer zowat een jaor leden hef Martijje! de cd DREZZ oetbracht en daor biw slim bliede met. DREZZ is een prachtige cd met eigentiedse meziek en zungen deur een kanjer van een zangeres. Of het toeval is of niet, maor in dizze meertmaond-streektaolmaond komt van Martijje! de neie single Glimlach oet.
Veur meer informatie en een indruk: kiek naor de clip .Gebruuk het codewoord: glimdrezz.
|
|
dinsdag 23 maart 2010 |
In 2011 is Aa en Hunze de culturele gemiente van Drenthe. Vanzölf is daor op het gemientehoes en in kleinere kring al driftig over risselveerd, maor op dunderdag 18 meert lestleden tröf het hiele culturele veld van Aa en Hunze en umstreken mekaar in de kerk van Raol. De gemiente har een culturele borrel organiseerd - het zal niet de leste weden - en daor kwam helder wat volk op of. Vanzölf was Egbert Hovenkamp ll, de gemientedichter van de ankommende culturele gemiente, der ok.
|
|
Lees meer...
|
|
zaterdag 20 maart 2010 |
 Veur de leste keer dit seizoen prissenteert Anne Doornbos samen mit Martin Koster Taal an Taofel in de Klokbeker in Norg. Martin zal zelf as gast optreden, veurige weke is ja zien neie bundel Hotel an 't spoor uutekomen. Daornaost bint de gasten Riek van der Wulp,
Theo Bruinsma en Ivar Reuvers. Veur Martin Koster is het de leste keer dat e Taal an Taofel prissenteert. Wij bedankt Martin hartelijk veur zien trouwe inzet.
|
|
dinsdag 16 maart 2010 |
De DHV ( Drentse Historische Vereniging) Pries veur 2009 wordt egeven an de Vereniging Brede Overleggroep Kleine Dorpen (BOKD). Een oorkonde en duzend euro veur het boek Van Jeruzalem tot Ezelakker. Veldnamen als levend erfgoed in het Nationaal Landschap Drentsche Aa.Dit boek giet over de betiekenis van de namen van akkers, groenlanden en velden vanuut verschillende gezichtspunten.Um het boek te bestellen kuj hier klikken.
|
|
donderdag 11 maart 2010 |
“Ie magt nooit ofguunstig op iene wezen,” wordde oons vrogger verteld. Dat mag waor wezen, maar aj onderstaond berichie leest, dan zuj het toch wel haoste een klein beetie worden.
|
|
Lees meer...
|
|
donderdag 11 maart 2010 |
  In de trein van Assen naor Meppel wordde op 10 meert de neiste bundel van Martin Koster prissenteerd. De bundel bestiet uut gedichten die Martin de ofegelopen jaoren publiceerd hef, maar ie kunt ok veul nei wark van hum lezen. Veur meer informatie kuj hier klikken.
|
|
donderdag 11 maart 2010 |
 In het programma Schier op TV Drenthe har Jan Germs het woensdag 10 meert over vogelnamen. Het bouwmannegie is toen in het riegie bij het ‘winterkoninkje’ kommen. Wat knullig! Een bouwmannegie is een witte kwikstaart. Bijgaond een plaatie.
|
|
zondag 07 maart 2010 |
 De leste Taol an Taofel in Veeningen van dit seizoen wordde bezöcht deur een dikke zestig man. Gasten Klaas Koops, Gerard Stout en Luuks Nysingh kunden reken op alle aandacht. Luuks Nysingh wordde zelfs op zien wenken bediend, want toen hij zung over eerpels mit spek, zette Ria van Restaurant Poortman de boerenkool mit spek op taofel. Geert Jan Brader zorgde weer veur de schier onmisbare muzikale ondersteuning.
|
|
zondag 07 maart 2010 |
De Streektaolpriezen van het Dagblad van het Noorden bint op !REUR! bekendemaakt. In de categorie proza & poëzie was Johan Veenstra uut de Stellingwarven de winnaar mit zien bundel Et geheim van de wiend. Daniël Lohues was mit zien cd Allennig III de beste in de categorie cd & dvd.Het was de viefde keer dat de Streektaolpriezen uutereikt wordden. Wij fielsieteert de beide mannen van harte mit heur welverdiende pries! Veur meer neis klik op de site van Woest en Ledig.
|
|
zondag 07 maart 2010 |
Het Streektaalfestival !REUR! in Emmen is een groot succes eworden! Hoewel moeilijk in te schatten mit een festival op zoveul locaties bint er toch wel een dikke 1500 bezukers ewest. De warkwinkels, lezings en veurdrachten hadden warme belangstelling en de cafés mit levende muziek waren goed evuld. Het aovendprogramma in de Muzeval was uutverkocht en meinsen geneuten van Harm en Roelof, Voorheen de Bende mit Pazzipanten, Mooi Wark en nog veul meer artiesten. Een fotoreportage van de dag kuj hieronder vienden.
|
|
Lees meer...
|
|
vrijdag 05 maart 2010 |
  Siemon Reker holdt op het streektaolfestival !REUR! een lezing over regionaal gebruukt Nederlands: “Het balletje in het schuurtje, het opsporen van regionaal Nederlands in gedrukte nieuwsmedia”. De lezing is vrij toegankelk. Veur meer informatie kuj hier klikken. veur het Nederlandstalige persbericht kuj hier wieder lezen.
|
|
Lees meer...
|
|
vrijdag 05 maart 2010 |
Veurmaolig Asser stadsdichter Egbert Hovenkamp II wordt op 18 meert in de Rolderkerk beneuimd as Gemeeintedichter van Aa en Hunze.
Egbert Hovenkamp II wordt ansteld as gemeeintedichter omdat de gemeeinte Aa en Hunze in 2011 de culturele gemeeinte van Drenthe is. Egbert geeit bij officiële evenementen in de Culturele Gemeente gedichten schrieven en veurdraogen. Wieder zal e in de gemeeinte workshops geven.
|
|
vrijdag 05 maart 2010 |
De gemiente Coevern hef in de Meertmaond -Streektaolmaond elke weke een nei Drents gedicht op de webstee staon. Aj hier klikt kooj op het thuusblad van de gemiente en dan is het hiel dudelk hoeaj het gedicht vienden kunt. Het gedicht is ok te lezen op de informatiepanelen in het gemientehuus.Dizze weke stiet er een gedicht van Martin Koster op. Da's hiel toepasselk, want op 10 meert komp zien nei bundel Hotel an 't spoor uut.
|
|
vrijdag 05 maart 2010 |
 Twei maol in vief jaor mot der van de Omroepnota underzuuk daon worden naor de bekendheid en de wardering van RTV Drenthe. Dat is körtleden weer daon deur de Bestuurscommissie Onderzoek, Cultuur, Welzijn en Zorg. Het zogenuumde Drents Panel is undervraogd. Gemiddeld kreg RTV Drenthe het ciefer 7,2 veur de programma’s. Da’s mooi veur de regionale umroep, maor wij wilt vanzölf geern weten hoe of der tegen het Drèents ankeken wordt. Kört deur de bocht kuw zeggen, daw daor niet zo vrolijk van wordt. Een paar dinger stuk wij hierunder oet.
|
|
Lees meer...
|
|
|
<< Begin < Vorige 1 2 3 4 5 6 7 8 9 10 Volgende > Einde >>
|
| Resultaten 81 - 100 van 422 |
