Huus van de Taol - Schrieverij

Ophalen van 't internet

De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.

Thoesblad

Schrieverij

Literatuur in Drenthe 1816 - 1956

zaterdag 31 januari 2009
Bij dizze literatuurstudie maak wij daankbaar gebruuk van de beknopte inhold van het wark dat oens op welwillende wieze aneleverd is deur dr.H.Nijkeuter, die in zien dissertatie van 2001 an de RU in Grunning: ‘De pen gewijd aan Drenthe’s dierbren grond’ een goed aoverzicht egeven hef van de ontwikkelings in de schrieverij van Drenthe in de jaoren 1816 - 1956: Regionale literatuur hef töt nou an toe niet veule andacht van de literatuurhistorici ekregen, en Drenthe zienende is daor gien uutzundering op. Een körte bespreking van de streekliteratuur wördde egeven deur W.J.M.A. Asselbergs in Het tijdperk der vernieuwing van de Noordnederlandse letterkunde, diel negen van de Geschiedenis van de letterkunde der Nederlanden (1951), zunder dat e zee waorumme of hoe de schrievers en heur wark ekeuzen waren. Allent Harm Tiesing wördde enuumd. Aj meer as ‘n ieuw geschiedschrieving bekiekt, van Jonckbloet töt an Schenkeveld-Van der Dussen, dan moej haoste wel deinken dat de regionale lettern daor nog minder as ‘n raandverschiensel bint: miesttieds wördt die hielemaole niet enuumd. Niet er um bint er van 1842 of an in Drenthe zunder underbrekings literaire teksten eschreven en uutegeven; dat, dizze previncie hef genogt materiaal veur een literatuurgeschiedenis.
Lees meer...

‘t Reilen en zeilen in de schrieverij nao 1956

donderdag 31 januari 2008

Veuróf
Ontwikkelings in de literatuur kuw niet lös zien van veraanderings in de maatschappij. Schrievers verwoordt, wat as ter leeft in heur en bij de meinsen um heur hen.

Mit de koomst van de Drentse Schrieverskring (DSK) - 1953, waorbij Nijenhuis, Wilms, Huyser van Reenen, Meyboom-Veltman en Naarding het veurtouw eneumen hadden, kwaamp ter een begun van mandieligheid under de schrievers. Op culturiel gebied was Drenthe, krek as oens hiele laand, in opblui nao de oorlog. En ok de schrievers zöchten het in de samenwarking. Het Maondblad Drenthe bleef bestaon, mar in 1956 waren ‘t Nijenhuis, Heyting en Kuipers die daornaost het maondblad Oeze Volk (OV) oprichtten. Zo kregen de schrievers weer een platform um te publiceren. Tal van ‘metwarkers’ sleuten heur daorbij an. Het wördde een periode van betrekkelijke rust, waorin de schrieverij opbluide.

Het boek ‘Bartje’ van Anne de Vries wördde in 1972 op film ezet en kreeg deur de tillevisie laandelijke bekendheid. Gerrit Kuipers schreef in 1984 een Dreintse vertaling van dit boek.

Lees meer...

Drèentse woorden

maandag 26 februari 2007

Hieronder ’t overzicht van woorden.

Akker (1) en (2)
Bandevoet
Barbiesies
Biel
Bulsekop
Diverdaotsie
Zo dronken as...
Ekster
Op zien elfendartigst
Enter
Flikkertiesaovend
Gaorenklopper

Lees meer...

Nei Drèents

vrijdag 17 maart 2006
De Nederlandse taol is deurdrenkt met stoere woorden. In een koppel gevallen komt die oet het Engels, maor dat huuf niet persé zo te wezen. Het is wal ies aordig um veur de stoere 'Hollandse' woorden neie Drèentse woorden te verzinnen. Eite Brink oet Raol is daor een meester in. De mieste woorden die hierunder staot komt oet zien koker.
Lees meer...

[ terug ]

Menu

Schrieverij

Ophalen van 't internet