Naor de webstee van:
Thoesblad
| !REUR! Streektaolfestival in 2010 in Emmen |
|
|
|
| woensdag 25 maart 2009 | |
 Op 6 meert 2010 is er een groot streektaolfestival in Emmen. Het evenement zal een oetbundige ‘kick-off’ worden van de ‘Meertmaond-Streektaolmaond’. Op de manifestatie stiet het Nedersaksisch centraal met de dialecten oet Grunnen, Drenthe, de Friese Stellingwarven, Overiessel en Gelderlaand.
Daarnaost zult ok enkele Friezen heur opwachting maken binnen de programmering. Behalve an muzikanten van diverse pluimage, zal dizze dag ok een podium bieden an schrievers en dichters oet de verschillende regio’s in het Noorden. Gekoppeld an het festival wordt er een schriefwedstried veur de basisschoelkinder organiseerd. Veur jongern zult verscheiden workshops anbeuden worden op het gebied van streektaolmuziek. Ok zult activiteiten plaotsvinden in bejaordenhoezen. De dag begunt ’s morgens met een programma dat zuk ofspeult op verschillende locaties in het centrum van Emmen. An het einde van de dag is er een spectaculair muziekfestival in Theater ‘De Muzeval’ waor een keur an (landelijk) bekende streektaolartiesten een optreden zal verzörgen. Het festival wordt organiseerd deur het Huus van de Taol, Vocal Music Emmen, Theater De Muzeval en Bibliotheek Emmen in samenwarking met Biblionet Drenthe en het Drents Netwerk bibliotheken. |