Dik een half jaor leden bint de klassen van de basisschoelen in Drenthe neugd um met te doen an een JAMERO-wedstried. Zie mussen dan een filmpie - mét geluud vanzölf - maken van heur presentatie van ien van de liedties van het JAMERO-pakket. De filmpies bint op verscheiden manieren werteldkundig maakt, u.a. via You Tube en de Jamero Facebookbladziede.

Peter van der Velde, Drints schriever en schoulmeester oet Rowol is begun 2004 oet de tied kommen, mor dunderdag 25 mei 2013 is der bai oetgeverij Kleine Uil een naaie gedichtenbundel van hom oetkommen met de titel Trekwaark.

Tieme Woldman, schriever van de misdaadroman Moord in Mantingerveld, schref ok körte verhalen. Via Facebook publiceert hij een serie körte verhalen under de titel Nooit in Uffelte.

De neie Maandewark is uut! Nummer drie van dit jaor is alweer bezorgd bij de abonnees.

Het Nedersaksisch Vocaal Ensemble is op zuuk naor bassen en sopranen. Op 31 mei hebt zij een open repetitie in het Markehuus in Grolloo vanof 19.30 uur.

Het tiedschrift Roet komp dizze weke mit een themanummer. Het nummer is in zien gehiel ewijd an de schriever Rieks Siebering.