Op zaoterdag 14 april bint de prieswinnaars van de schriefwedstried Rooie wien en dreuge worst van het Huus van de Taol bekendemaakt. Een internationale wedstried, want de prieswinnaar bij de begunners woont in Amerika!
Veur de wedstried waren ongeveer tachtig verhalen inestuurd. De verhalen bint anoniem naor de jury egaone, alle namen van de schrievers waren van te veuren wegehaald.
De veurzitter van de jury, Jans Polling, reikte de priezen uut.
De priezen in de categorie begunnende schrievers, waren veur:
1. Jennie Anna Linde. Zij wun een geldbedrag en een boekenpakket. Zij is de butenlaandse prieswinnaar. Zij woont al jaoren in Amerika maar prat èn schref nog onvervalst Drents. Zij stuurdeheur breur Henk, die wel in Nederland woont, um de pries in ontvangst te nemen.
2. Mart Kerckheer. Hij was der ok niet zelf, want ondernemp een een voettocht naor Santiago de Compastella.
3. Marga Zwiggelaar. Zij was der gelukkig wel um de pries, een geldbedrag, in ontvangst te nemen.
Bij de gevorderde schrievers waren de priezen veur:
1. Anne Doornbos
2. Ria Westerhuis
3. Roelie de Weerd
De verhalen van de prieswinnaars zult eplaatst worden in oonze tiedschriften en/of op oonze webstee te lezen wezen.
Kiek naor de foto's van de priesuutreiking.
| 
| 
| 
|
V.l.n.r. Prieswinnaars Anne Doornbos, breur Henk die de pries van Jennie Linde kwam ophalen, Marga Zwiggelaar en Ria Westerhuis.
Jennie Linde hef heur verhaal zelf veurelezen op het volgende filmpie:
En ok het verhaal van Anne Doornbos kuj hier beluustern:
| < Veurige | Volgende > |
|---|
