Ie kunt via de webstee van het Huus van de Taol de Drentse routeplanner Wies op weg dowloaden. Veur de Drentse stemme kuj kiezen tussen Aaldert Oosterhuis of Hennie Enting. Maor of zij weet waor het Apenkuttenveentie lig?
Vraogezaod
‘Maàm waor gaot wij hen?’
‘Naor Apenkuttenveentie.’
‘Mam…waor lig dat dan?’
‘Bij Pielenbargie.’
‘Maàm waor lig dát dan?
‘Bij Apenkuttenveentie.’
Mien dochter, ok niet dom
tikt netties Apenkuttenveentie
in op de tomtom.
Ach, die arme Aaldert Oosterhuis
het zwiet dat brak hum uut
Apenkuttenveentie daor
haar hij wel iens van eheurd
dat lag bij Pielenbargie,
maor hoe kreeg hij ze
daor nou hen estuurd.
Hij deud een poging.
‘Bij de volgende straote
moej links ofgaon,
nee verkeerd, ie moet
rechtsof, aj kunt
keer onmiddellijk
weerumme
Gea Tiemens
Uut: Angst en Verlangst
| < Veurige | Volgende > |
|---|
