Geert Nijland (*Klijndiek 1942) is opgruid in Drenthe. Hij hef jaorenlaang warkt an de Landbouwhogeschool in Wageningen. De leste jaoren hef e altied landbouwgedichten verzaomeld. Die verzaomeling is noe bundeld in een prachtig boouk van zowat 800 bladzijden.
Der staon niet allennig mor gedichten in het Nederlands in, mor ok Drèentse, Grunnegse, Freeise, Braobaantse en Zeeuwse. Der staon zölfs Noorse, Engelse, Fraanse en Zuud-Afrikaonse gedichten in.
Het boouk is indeeild in daartig hoofdstukken. Hoofdstuk 1 heeit Nostalgie naor de kindertijd op de boerderij met onder andern 't gedicht Hier en nu van Erik Harteveld. 't Leste hoofdstuk heeit De boer als dichter, de dichter als boer. In dit hoofdstuk staon gedichten van boeren die zölf ok dichten zoas beveurbeeld Pieter Stroek oet Vreis.
Zaaizaod
Ik schrief
gewoonlijk
niet zo stoer
met wat geluk
dan riemt het
blief daornaost
denken
as een boer
in goeie grond
ontkiemt het
Drenthe is der bepaold niet bekaaid van of kommen met Drèentse gedichten van Hans Heyting, Roel Reijntjes, Harm Koops en Peter van der Velde, Jan Naarding, Louis Albert Roessingh, Anne Doornbos, Martin Koster, Marga Kool, Suze Sanders en Gerard Nijenhuis.
| < Veurige | Volgende > |
|---|
