Streektaol in het underwies was het thema van het congres dat op vrijdag 26 november onder leiding van dagveurzitter Erik van Oosterhout in de Stenden hogeschool in Emmen opend weur. Roem 150 meinsen waoronder lu uut het onderwies, pabostudenten en aandere geïnteresseerden waren ofkomen op de uutneudiging.Naodat pabostudenten o.l.v. van muziekdocent Jan Kruimink het lied Hier kom ik weg van Daniël Lohues zungen harren vertelde drs. Saskia Visser van de RUG over de positieve weerde van een meertalige opvoeding. Hiernao vertelden de studenten Freddy Vos en Janine Buter over heur project Floddertie in 't Drents en kunden de anwezigen het bekende verhaal in ‘t Drents heuren en de plaaties zien via de beamer.
Anneke Haarsma, gedippeteerde van de provincie Drenthe, höl een vlammend betoog over de weerde van de streektaol. Dat zij heur verhaal diels in het Drents deed was hartverwarmend.
Nao de pauze was er een optreden van Martijje! en Rob Elferink mit een nei Drents kinderliedtien en daornao was het woord an Metin Celik, lid van de Tweide kamer en woordvoerder onderwies. Celik is van Turkse komaf en hef in de praktijk ondervunden dat een aandere thuustaal dan het Nederlands hielemaol niet naodelig is.
Het boek Streektaol in het underwies weur deur Ingrid Jansen, Head of School Educatie Stenden Hogeschool, overhandigd an Anneke Haarsma en Tweide Kamerlid Metin Celik. Beide waren slim bliede mit dit prachtige boek. Martin Celik gung vervolgens mit gezwinde spoed weer op weg naor een aandere activiteit.
Het congres weur ofsleuten deur Cabaret van Vlijt en Gedrag, een komisch en hilarisch trio.
Nao de goedverzorgde lunch gungen de anwezigen huuswaarts. Mit dank an de organisatoren van dit congres Jan Kruimink, Jan Germs en Geert Woldman.
Kiek naor het verslag op RTV Drenthe.
Wie belangstelling hef veur het boek kan dizze bestellen bij het Huus van de Taol. Het kost dan € 5,00
| 
| 
| 
|
|
| < Veurige | Volgende > |
|---|
