Op 31 oktober j.l. is Martha Hadderingh op 86 jaorige leeftied uut de tied ekomen. Zij was hiel lang de stuwende kracht van het maondblad Oeze Volk. Deur heur grote inzet hierveur kreeg zij in 2008 het eretieken van het Huus van de Taol.
Sinds 2005 was Martha weduwe van Bert Hadderingh, beter bekend as Bart Veenstra. In 1966 neumen Martha en Bart de leiding van het maondblad Oeze Volk over. Veural deur heur inzet hef het blad een geweldige grui metmaokt en het wordde zodoende een belangriek podium veur het behold van de streektaol. Saomen met Bart hef Martha ok een uutgeverij opericht, Bama, waor de toneelstukken van Bart uutegeven bint.
Martha is op eigen verzuuk in besleuten kring cremeerd.
Egbert Hovenkamp II schreef een In Memoriam:
De vrouw aachter de man
de vrouw die heur mannegie stun
steevaast zeker weeiten
de tied nam heur op
in de ieuwigheid
dizze vrouw vaaststaond baoken
veur het schip vol taol
is nou anmeerd
in de haoven van herinnerings
van volk dat oetkek
over de zee van tied
(in memoriam Martha Hadderingh Veenstra)
-Egbert Hovenkamp II-
| < Veurige | Volgende > |
|---|
