De 22-jaorige Freeise zangeres Janna Eijer oet Jobbegea (Jubbega) hef vleden zaoterdagaovend in de Italiaonse plaots Udine met 't leeidtie Ien klap de aachtste editie van het minderheidstaolensongfestival Liet International wonnen. Liet International is een internationaol songfestival voor neie leeidties in Europese minderheidstaolen.
The Coffeeshock Company, een Kroatische band oet Burgenland in Oostenriek hef de publiekspries wonnen.
't Is de eerste maol dat een Freeise deelnemer Liet Internationaal wint.
Behalve uit Freeislaand waren der in Udine ok deelnemers oet Ierland, Oostenriek (Burgenland Kroaten), de Val Badia (Ladiniërs), Schotland, Karelië in Rusland, Udmurtië in Rusland, Friulië, Zwitserland, Noors Lapland, Baskenland en Asturias in Spanje.
Het Huus van de Taol hoopt dat der aander jaor ok een deelnemer oet Drenthe of een aander
Nedersaksische previncie metdooun mag an Liet International. Daor wordt deur oouze meziekmetwaarker Bert Kamping haard an trokken.
De oetslag van Liet International 2011:
1.Janna Eijer, 83 punten
2.Silent Woo Gore, 81 punten
3.Coffeeshock Company, 80 punten
| < Veurige | Volgende > |
|---|
