Op 22 jannewari komp de neie bundel 80 gedichten van Gerard Nijenhuis uut. Hij viert die dag zien tachtigste verjaordag!
Gerard Nijenhuis (1932, Gieten) schref al zien hele leven lang poëzie en proza in het Nederlands en in het Drents. Het is gien wonder dat een diel daorvan niet meer verkriegbaar is.
Zien tachtigste verjaordag is een goeie gelegenheid um het mooiste oet zien wark bij mekaar te brengen in tachtig gedichten. Van zien eerste bundel Leven op afstand (de Beuk, 1978) tot zien leste gedichten is de ontwikkeling en de eigenheid van de dichter Nijenhuis te volgen. De basis veur dizze bundel wordt vormd deur een selectie van de schriever zölf, anvuld mit bekend wark. Ze bint plaotst in volgorde van verschienen. Hier en daor is der een kleine veraandering anbracht; soms umdat in de originele bundel een oneffenheid zat, soms vanwege voortschrijdend inzicht.
Gerard Nijenhuis hef op een cd alle gedichten inespreuken. Dizze cd kriej der zomaar bij aj 't boek koopt! Vanaof 22 jannewari te koop in de Drentse boekhandel;s en via de webwinkel van Het Drentse Boek.
Gerard Nijenhuis hef een belangrieke plek in de Drentse schrieverij. Zo was hij ien van de oprichters van de Drentse Schrieverskring en initiatiefnemer veur de oprichting van het maondblad Oeze Volk, het tegenwoordige Maandewark.
Veur RTV Drenthe prissenteerde hij jaorenlang een cultureel programma In de mooie kaomer, en hij verzorgde karkdiensten in het Drents.
In 1987 kreeg hij de Culturele Prijs van Drenthe en een jaor later eerde het Drents Letterkundig Tiedschrift Roet hum mit een speciaol nummer over zien leven en wark.
In 2008/2009 was hij gemientedichter van de gemiente Borger-Odoorn.
Meer lezen over Gerard Nijenhuis?
| < Veurige | Volgende > |
|---|
