Smangs is het zo, dat tied verlop zunder daj ’t in de gaten hebt. Dat kan een naodiel weden, mar in het geval van Margaretha Kleine is het umgekeerde ok waor. Margaretha hef heur twiede solo-plaat oetbracht.
In 2008 kwam zie met het album Drok en non, veer jaor later, heur twiede plaat. Het neie album het Thuus : een cd met elf liedties, die verhaalt over gebeurtenissen in ‘t leven van Margaretha van de oflopen veer jaor. Ok staot der liedties op met teksten, die wat minder autobiografisch bint en de wat meer algemienere zaken overdenkt. Wal opvallend an de ‘neie Margaretha’ is dat zie wat ingeteugener zingt en daw op Thuus, zowal een roppige Margaretha as een gevulige en non en dan een verslagen Margaretha heurt. De liedties over het gemis van heur mam bint integer en mooi, ok umdat Margaretha dan haost meer met heur ziel as met heur stem zingt.
Körtum, Thuus is niet allén mooi aj van Drèentstaolige meziek holdt, mar heurt in elkenien zien platenkast te staon.
| < Veurige | Volgende > |
|---|
