Speciaal veur het bezuuk van Koning Willem-Alexander en Koningin Máxima on aanze provincie hef Egbert Meyers een koningslied eschreven. Het lied wordde eschreven in opdracht van Eric van Oosterhout, de burgemeester van de gemiente Aa en Hunze. Egbert giet het lied Laand van de Keuning Blues zingen as het koningspaar dinsdag a.s. in Grunning en Drenthe is. Veur meer informatie

Het liedtie Zin an lente van Martijje!is alweer een jaor old. Maar het past zo mooi bij het weer van vandage!

Daniël Lohues kreg de Johanna van Burenpries. Volgens de jury is de zanger derin eslaagd grote landelijke waardering veur zien gebruuk van het Drents te kriegen. Wij fillisteert Daniël Lohues van harte mit dizze pries!

Daniël Lohues giet volgende maond mit zien neie programma op reis deur 't laand.  Een dikke zeuventig veurstellings staot der epland. Aj der bij bint kuj genieten van zien verhalen, van zien bekende liedties en van wark van zien neie cd Ericana die as volgende maond uutkomp.