Meer as tiendoezend mèensken hebben de ofgelopen weken stemd op heur favoriete woord van 2012. Met 17 percent van de stemmen is project X-feest de winnaor van dizze verkeeizing.

Met een paor week is ’t weer Sunterklaos, Sunderklaos of Sunnerneiklaos zoals Sint-Nicolaas in ’t Drèents neuimd wordt. In Assen zeggen ze der ok wel Bottentinus tegen. Sunterklaos vier wij in heul Nederlaand, België en in de Nederlaandse kolonies op 5 december (Sunterklaasaovend). Sinterklaas en zien helpers, Zwaarte Pieten, kommen op 5 december deur de schöstie de hoezen in om kedogies te brengen veur de kinder.

Dizze week kregen wij via de lienpost een berichie van Rosalien Sattler. Heur dochtertie Janiek die drie jaor old is hef een mooie speulgoedsmartphone ekregen. As zij dizze kwiet is vrag zij an heur mamme: 'Waor is mien striektillefoon'? Creatief denken in 't Drents!!

Toeristen in Drenthe kunnen bij toeren vast wel een beetie hulp bruken om de Drèentse taol te begriepen. Een pension in Borculo hef daor een liest veur met onmisbaore woorden en oetdrukkings veur de niet-streektaolspreker. Wij hebben de liest wat anpast veur het Drèents; net as het Twents vaak de taol van het ‘understatement’.