De volmachten van het Nei Drèents Geneutschap hebt zundag in het RTV Drenthe-programma Podium 30 de Algemiene Anfieter Award 2010 toekend an de Noord Nederlandse Reinigingsdienst uut Drachten. Twei metwarkers, Siebolt de Bruin (verkoopleider) en  Jeen Holwerda (alg directeur) namen de pries in ontvangst.

De webstee van het Huuss van de Taal is uitebreid mit Schuppies en Schoegies, Drentse plantennaomen. Een register van Drentse namen veur roem 200 wilde plaanten, struken en heesters. De woordenliesten bint baseerd op namen die verzameld bint deur eigen onderzuuk van drs. Henk Hadderingh (1949-2005), Drentse woordenboeken en een grote dialectdatabase (PLAND) van het Meertensinstituut in Amsterdam.

Zundag 19 december ankommend wordt in het radioprogramma Podium 30  van RTV Drenthe de toekenning bekendmaokt van de Anfieterpries 2010. Daornaost reikt het Geneutschap ok de Zoorholtpries uut. Die wordt toekend an die persoon of instelling die de Drèentse streektaol in 2010 achteruut hölpen hef.

 De website www.drenthe.digitaalkaart.nl is in juni prissenteerd.  Op de dag van de prissentaotsie stunden der honderd kaorten van Nederlaandse woorden op, mor intied binnen der al weer een koppel woorden bij kommen. Zo is der bijveurbeeld een kaort van ‘kruiwagen’ met de Drèentse woorden kaor, kaore, krooie, krulekaore, krulewagen en kruulkaor.