Ofgelopen zundag is Henk Meppelink uut de tied ekomen. Henk was vrijwilliger bij het Huus van de Taol. Hij was ok boer en zette zich barre in veur de agrarische natuurvereniging De Broekstreek. Wij zult hum missen. Wij weinst zien vrouw en kiender hiel veul starkte.

Op 96-jaorige leeftied is schriefster Dieuwke Winsemius uut de tied ekomen. Dieuwke Winsemius hef barre veul eschreven. 

Janny Bruins hef van de PvdA in Aa en Hunze een rooie taarte ekregen veur heur grote inzet veur de Drentse taal. Daornaost is Janny ok nog vrijwilligster bij o.a. het sociaal cultureel wark in de gemiente. Reden genog veur een rooie taarte. Van harte verdiend, Janny!

Beneid hoe alles ekomen is is een oetspraak die Lammert Huzing döt op het schrieverspetret Het zwarte gat, dat het Huus van de Taol in 2007 van hum maken laoten hef. Dat zul zien liefspreuk weden kunnen. As kind al har Lammert Huzing grote belangstelling veur zien umgeving. Geweldig veul hef e over die leefumgeving oetzöcht en derover schreven. Drenthe kan niet aans as hum der dankbaar veur weden. Op 86-jaorige leeftied is Lammert Huzing in zien woonplaots Hoogeveen oet de tied kommen.