Neis van het Huus

Van Huus uut over de streektaolpries

zaterdag, 23 maart 2013 06:31

vanhuusuut3 Der stiet weer een filmpie klaor op You Tube. Dizze keer giet het over de Streektaolpries van het Dagblad van het Noorden.

Lees meer...

Creatief mit de Wiesneus

vrijdag, 22 maart 2013 09:12

Alle kiender die as veurelezen bint in de meertmaond hebt een Wiesneus ekregen. Een blad mit verhalen, moppies en puzzels ... in het Drents! Martijn Boesjes van de Burgemeester Wessel Boer Schoele uut Daolen maakte de taart die op de achterkaant van het blad stiet en trakteerde zien klasse. Wat wij daor as Huus van de Taol van viendt? Dat viene wij gloepends mooi!

Drents dictee in de Wolden

donderdag, 21 maart 2013 12:37

Veur de eerste keer wordde der in het gemientehuus van Zuudwolde een Drents dictee eholden. 24 deelnemers, uut de hiele gemiente de Wolden, deden heur uterste best um het dictee, eschreven deur Ria Westerhuis, foutloos op papier te kriegen.

Lees meer...

Drentse Taolquiz

woensdag, 20 maart 2013 11:57

De Drentse Taolquiz die op dinsdag 19 meert in het Dagblad van het Noorden stun, levert hiel wat respons op. Daor bin wij slim wies met. Vanzölf hef niet elkenien een abonnement op de grootste kraant van het noordoosten van oes laand. Um je niet met een drup an de neus staon te laoten, kuj de De Drentse Streektaolquiz ok hier vinden. Met dank an het Dagblad van het Noorden!

Drents dictee in gemientehoes van Exel

woensdag, 20 maart 2013 06:27

Op 14 meert was der een Drents dictee in het gemientehoes in Exel. Zoaj op bijgaonde foto zien kunt was het gien chagrijnige bedoening. De eindoetslag was dat Erik Huizing (VVD) en Lidy Kuiper (Groen Links) een dielde eerste plaots hadden.