Een koppel inwoners van Drenthe hef interesse veur de taol en cultuur van de previncie.
Veur dat doel hef Het Huus van de Taol vief cursussen.
Veur mèensen die meer weten wilt van de schrievers, geschiedenis, muziek, gedichten, taal, dörpen en het laandschup van Drenthe.
Veur mèensen die interesseerd bint in Drèentse gewoonten, gebruken, volkskarakter, veldnamen of streekgerechten.
Veur mèensen die leren wilt hoej het Drèents schrieft, leest en oetspreekt.
- Nei: cursus Moi
- Drenthecursus
- Kom in de kunde
- Spellingcursus
- Dieper-deur-Drenthe
De cursussen wordt over ‘t algemien organiseerd deur het Huus van de Taol in samenwarking met een bibliotheek of een plaotselijke verieniging zoas beveurbeeld een Historische Vereniging of een ofdieling van Vrouwen van Nu.
Het Huus van de Taol zörgt veur een goeie docent, cursusmateriaal en mangs gastsprekers.
Oeze cursussen wordt, as 't kan, geven in 't Drèents van de cursusplaots.
Aj belangstelling hebt um een cursus van het Huus van de Taol te volgen of te organiseren, kuj op ‘n besten contact opnimmen met het Huus van de Taol.
Veur de periode oktober/november 2012 organiseer wij onder andern een Drenthecursus in Peize, Hollaandscheveld en Beilen.
De Dieper deur Drenthe-cursus wordt holden in Ieghaor (Ekehaar), Hooghaolen, Assen, Runerwold en Weerdinge.
De neie conversatiecursus zuudoost-Drents wordt oetprobeerd in de bibliotheek in Oosterhesseln.
De spellingcursus wordt zoas gewoonlijk holden op de wonsdagaovend in oktober in het Huus van de Taol.
Aj niet in de buurt van ien van dizze plaotsen woont, kuj oe ok opgeven, want der komt vast nog wel cursusplaotsen bij.
Aj de spelling van het Drèents beter leren wilt, moej oeze spellingcursus volgen.
Die hol wij ien maol in ’t jaor op de wonsdagaovends in de maond oktober in het Huus van de Taol in Beilen.
Meer informatie via
Dit e-mailadres is beschermd tegen spambots. U heeft JavaScript nodig om het te kunnen zien.
.
Bellen kan ok: 0593-371010. Vraogen naor Abel Darwinkel
Moi
Een cursus van veer lessen van twei uur, veural richt op het Drèents en op de ontwikkeling van streektalen en het Nederlands in het algemien.
De cursus kost € 40,00
Drenthecursus
De Drenthecursus is een oriëntatiecursus Drentse taol en cultuur. Het is een cursus van acht lessen, die in de streektaol geven wordt an Old-Drenten en Nei-Drenten. In de cursus wordt niet allén aandacht geven an de taol, maor der komt nog veul meer op batterij, zoas gewoontes en gebroeken, feesten deur het jaor hen, bestuur en rechtspraak, het ontstaon van de dörpen, netuur en landschap, schrieverij in de streektaol en meziek.
In een gezellige cursus vol ofwisseling leer ie een bult over dizze underwarpen en leer ie (beter) lezen in de streektaol.
De Drenthecursus wordt, as 't kan, geven in 't Drèents van de cursusplaots.
Dizze cursus kost € 55,00 per dielnimmer.
Kom-in-de-Kunde
Veur mensen die acht aovends wat te veul vindt of eerst ies een soort van kennismakingscursus volgen wilt, is der de cursus 'Kom-in-de-Kunde'. In drei lessen van twei uur kriej een eerste oriënterende cursus over de Drentse taol, de schrieverij, de meziek en wat achtergronden van oeze previncie. Net zo underholdend as de gewone Drenthecursus, maor vanzölf lang niet zo diepgaond en oetgebreid.
Dizze cusus kost € 25,00
Speulen mit spellen
Elkenien denkt vaok dat 't slim stoer is um de spelling van het Drents te leren, maor in vief aovends kuj de spelling van het Drents under de knei kriegen. In 1987 hebt de Staoten van Drenthe de spelling van de Drentse taol officieel erkend. Een cursus Drèentse spelling in vief lessen waorin behalve de algemiene spellingregels ok andacht is veur zaken as verkleinwoorden, het samentrekken van woorden en warkwoordvervoegings. De cursus wordt jaorlijks geven in 't pand van het Huus van de Taol in Beilen. De spellingcursus wordt altied in 't naojaor egeven, vanof de eerste woensdag in oktober.
Kosten: € 40,00 per dielnimmer.
Dieper-deur-Drenthe
Lu die met veul plezier metdaon hebt an oeze Drenthecursus, wilt vaok ok oeze vervolgcursus Dieper deur Drenthe doen.
Dieper-deur-Drenthe, de naam zeg het feilijk al, giet dieper as de gewone Drenthecursus.
Dieper-deur-Drenthe bestiet oet negen lessen van twei uur. De cursus is schreven in zeuven verschillende varianten van het Drents en giet over de taol, de schrieverij, streektaolmeziek, rouwen en trouwen, koken, veldnamen, spellegies, beelden enz. Der heurt ok een film over het Drenthe van nou bij.
Behalve een cursusboek met prachtige tiekeningen (kleur en zwart-wit) van Harm Eggens, is der ok een warkschrift bij.
Kosten: € 70,00 per dielnimmer.
|
N.B. Hier en daor kan een cursus wat duurder oetvallen, umdat er zaalhuur betaald worden mot.
|
Het Huus van de Taol is een jaor of wat gangs west mit het ontwikkeln van een conversatiecursus Drents, een praotcursus. Nou kan iederien die ‘t Drents niet machtig is, dizze mooie taol toch leren.
Aj niet weeiten wat of de zinnegies: Ik kan’t niet wachten, ’t zal mij nei doen en hij hef een sik an touw, beteeiken, dan moej ies een maol een cursus volgen van het Huus van de Taol.
Het Huus van de Taol organiseert al jaoren cursussen over de Drèentse taol en cultuur. Zo kommen der elk jaor een koppel mèensen in contact met het Drèents en het waark van het Huus van de Taol. Veur de periode oktober/november 2011 organiseer wij in saomenwarking met plaotselijke verenigingen cursussen in de plaotsen Rowol, Dundern, Ieghaor, Beilen, Hesseln, Emmen en Möppelt en en der kommen vast nog wel plaotsen bij.
