Drèents da's aandere taol!

Veur de gemiente Noordenveld is een speciale streektaalagenda emaakt veur Meertmaond-Streektaolmaond

Mit het Dreints koj de ganse wereld over!

Wel hef der nou aordigheid an um bij donkeraovend her en der te zuken naor het juuste adres. Gelukkig is daor vandaog an de dag de wegwiezer (navigator) veur. Zo'n dinkie in de auto, op de fietse of an het peerdeheufdstel die as oe de weg kan wiezen. Dat kan vanzölf op het scharmpie mar ok mit een stemme der bij. In allerhaande taolen en van now of an ok in't Drents. Zowel een vrouwen- as mannenstemme. Op't heden bint allent veur de TomTom beide stemmen beschikbaor mar eerdaogs zal dat veur de Mio ok zo wezen. Gao der mar ies mit an de gaank. In een apart dokument stiet de gebruuksanwiezing. t Zal wel wat knooien worden mar as't warkt hej ok eer van oen inspanning. Umdat het een experiment is zult er lichtkaans verbeterings meugelijk wezen. Laot ze oens weten en schrief een stukkie in het Opschriefboekie. Wij kunt er dan oens veurdiel mit doen. Succes!

Wegwiezers

Vanaof begun april hebt al een paor duzend meinsen de Dreintse navigaotiestemmen ophaold veur gebruuk op TomTom en de Mio. De bestaanden bint bruukbaor op meerdere versies van TomTom en Mio, mar het beste op TomTom Go 720 en Mio C520. Mar ok aandern kunt er mit warken. Der staat ok IPID's (Interessante Plekkies in Drenthe) bij. Ok wel bekend as POI (Points of Interest).

Die IPiD's bint koppeld an Drentse schrievers. En der staot ok geluudsbestaanden op. En aj der hielemaol niet uutkomt ok nog wat riw (tools). Vernuver je der mit.