Op vrijdag 19 april is het weer tied veur een Drentse Pubquiz in ‘t Anker in Hollaandscheveld. Gao de stried met mekaar an in dizze pubquiz in ‘t Drents!

In de Drentse Pubquiz wordt vraogen steld over de Drentse taol, maor ok over meziek, cultuur, geschiedenis en actuele zaken. De quiz telt acht rondes.

Elkenien kan metandoen! Aj een team hebt van 4 personen, kuj je anmelden. Vanzölf kuj ok metdoen met een ofvaardiging van een verieniging, zoas de sportverieniging, de Vrouwen van Nu, een historische verieniging of net geliek wat veur club.

Locatie: Dorpscentrum ‘t Anker
Anvang: 19.30 uur (inloop vanof 19.00 uur)
Kosten: € 2,50 p.p.

Dizze quiz is een samenwarking tussen ‘t Anker en de streektaolvrijwilligers van het Huus van de Taol. Opgeven kan via de link in de button.

Sinds jaoren vindt de Veurdrachtwedstried al plaots, met veurrondes en finale in het Atlas Theater in Emmen. Der wordt in verschillende leeftiedscategorieën streden en de dielnemer met het hoogste puntenaantal wint de Grada Eding-Askes bokaal. Um het evenement zo laogdrempelig meuglijk te maoken is de toegang gratis.

In 2024 vindt de veurrondes op 17 april in Emmen en Daolen plaots en is de finale op 20 april in het Atlas Theater in Emmen. Kiek veur meer informatie bij de link in dit bericht.

Foto: ‘t Aol Volk

Zundag 28 april biedt de Theaterschuur Linde een programma an met meziek en vrolijke gedichten deur Rikkert Zuiderveld, Ton Peters & Heeren Oud-Zuid. Meer weten? Klik dan evenpies op de button hierunder.

Begun: 14.30u (inloop vanof 14:00u)

Kaorties: 15,- incl. koffie/thee met cake

Risserveren kuj via info@theaterschuurlinde.nl of tillefonisch via 0523-234001

Daniël Lohues giet in het veurjaor van 2024 met een neie veurstelling langs de vaderlandse theaters.
Hij brengt neie liedties, lievelingsliedties oet de succesvolle Allennig-serie en van de prachtige plaoten daorveur en daornao. Hij begeleidt zichzölf op de vleugel of op de gitaar, of op een banjo of een mandoline. Ie weet het mar nooit.

Al meer als vieftien jaor trekt Lohues as een hedendaogs troubadour deur het land met zien unieke verhaolen en tiedloze liedties. De schare liefhebbers wordt elk jaor groter. Vol mezikaliteit en humor kiekt Lohues verder as zien neus lange is, op zuik naor zichzölf. Laot oe een avond metnemen in de biezundere wereld van Daniël Lohues.

Meer weten? Volg de link.