Bert Kamping

Musicus, organisator en bemiddelaar

Bert Kamping Drentse artiesten Huus van de Taol fotograaf Hans Ballast

Bert Kamping is op zeuven november 1971 in Erm geboren. Hie studeerde an ‘t conservatorium in Stad, waor e de opleiding Docerend Musicus Lichte Muziek Zang en Uitvoerend Musicus Zang volgde en succesvol ofsleut.

In 1999 is Bert zien iegen bedrief Vocal Music begund. Vocal Music is een muziek- ,theater- en mediaproductiebedrief. De privé zangpraktiek van Bert is underdiel van Vocal Music.

Naost het schrieven en zingen van zien iegen liedties, schrif Bert ok met grote riegelmaot liedties in opdracht veur aandern in het Drèents, in ‘t Nederlaands en smangs in ‘t Engels.

In 2007 verscheen zien eerste Drèentstaolige album ‘Nooit dacht’. In 2008 kwam het album ‘Zuken’ oet. Beide albums kwamen oet op Bert zien eigen platenlabel.
Tussendeur kwam ok de eerste CD oet van de SDMM (Stichting Drentse Muziek Maatschappij) waor veer stukken van Bert op stunden.

Van meert 2010 tot meert 2012 is Bert Gemientedichter van Emmen west. Twie jaor lang schreef Bert wekelks een gedicht in ’t Drèents of in ’t Nederlaands. Een selectie van de gedichten die Bert in die tied schreef bint oetgeven in een bundel die oetbracht is in 2012.

In 2015 is een monument onthuld op de markt in Emmen met daorop het gedicht ‘Deuren’ dat Bert schreef.

Van 2010 tot 2013 was e an ’t wark as muziekmetwarker bij het Huus van de Taol. In die functie is Bert begund het Drèents Liedtiesfestival te organiseren. Tegenwoordig wordt het Drèents Liedtiesfestival deur Stichting REUR organiseerd, waor Bert directeur-bestuurder is.

Discografie:

  • Nooit Dacht (2007)
  • Zuken (2008)

Verzamelalbums

  • Verleg oen grèens, zing in ’t Drèents (SDMM1) (2008)

Singles

  • Mien eigen darp (2007)
  • Hopeloos verleuren (met Joke de Kruijf) (2007)
  • Een mooie dag (2007)
  • Zuken (2008)
  • Och wicht (2008)
  • Jouw ogen /Je ogen (met Joke de Kruijf) (2009)
  • Vergruid (2012)
  • Aans (2012)
  • Ooit (i.s.m. Erwin de Vries) (2013)
  • Net zo aans as ij (2014)

Dichtbundel

  • Gemeentedichter Emmen 2010-2012 (2012)

Kiek ok op: www.bertkamping.nl of www.vocalmusic.nl.

Er worden cookies gebruikt voor deze content. Accepteer de cookies om de content te bekijken.