Egbert Meyers

Godfather van de Drèentse streektaalmeziek

Zanger, tekstschriever en producent

Egbert Meyers Drentse artiesten Huus van de Taol

Egbert Meyers is in 1948 in Grol geboren. Hie begunde met countrymuziek en bluegrass, maar zingt sinds de tachtiger jaoren van de veurige eeuw benaom in het Drents.
In 2006 richtt’e de Stichting Drentse Muziek Maatschappij (SDMM) op.

Hie produceerde drie cd’s veur de SDMM met nei Drentstaolig wark van neie liedtiesmakers en zangers.

In 2012 verscheen de DVD Ode an de Ao, oetbracht deur het Nationaal Park en Landschap Drentsche Aa, ter gelegenheid van het 10-jarig bestaon.

Ok nam e het initiatief veur de Drentstaolige productie De Drentse Bluesopera die in 2011 oetvoerd weur deur de Peergroup. De Drentse Bluesopera weur as eerste Drentstaolige productie veur ien maol in het Keuninklijk Theater Carré opvoerd in 2011.

Egbert Meyers was streektaalfunctionaris van de stichting Drentse Taol en programmamaker/presentator van RTV Drenthe.

Egbert Meyers is undertussen stopt met aovendvullende solo-optredens. Wal blef e kleinere optredens doen en het programma Babyboomers Blues dat e samen met Marga Kool en Jan Veenstra op de planken brengt, döt e nog. In het weekeind van 26-27 september 2020 is een formeel ofscheid pland in het Nijend24 theater in Aandern.

Discografie:

  • Tweiduuster (LP 1988)
  • Waorum de Wereld Braandt (CD 1995)
  • Dreuge Dunder (CD 2001)
  • Bluebonnet Blues (CD 2007)
  • Nothin’ Niks, Neat, Niks (CD 2007)
  • Hondsrug Sessies (Dubbel CD 2009)
  • Song to The Legend (DVD 2012)
  • Ode an de Ao (DVD 2012)

Verder een aantal verzamelalbums mit zien wark.

Kiek ok op: www.streektaalzang.nl