Leon Moorman

Leon begunde zien solo-carrière met zien eerste singel Naor huus, die maondenlang in het hiele laand op de radio dreid weur.

D-Pop

Leon Moorman Drentse artiesten Huus van de Taol foto Gerald Schuring

Zunder der stief over nao te denken begunde Leon Moorman met D-Pop: toegankelijke muziek in het Drents. Het weur een groot succes. Leon begunde zien solo-carrière met zien eerste singel Naor huus, die maondenlang in het hiele laand op de radio dreid weur en zölfs over de grenzen hen bekendheid kreeg via lokale stations in Duutsland en het grote Radio 2 in België.

Met Knooin har e nog meer succes. Hie wun met dit nummer het Drents Liedtiesfestival en in Italië wun e op het Suns Europe Songfestival veur Minderheidstaolen de publiekspries. Zowat doezend Italianen zungen met hum met. En toen e weerum was in Drenthe heurd’e ok nog ies dat knooien oetroepen was tot het mooiste Drentse woord van 2019.

Nao het succes weur Leon deur Popgala Noord nomineerd als Beste Talent van 2019 en much e metdoen an de finale van Eurosonic Noorderslag. Met zien band schreef e in 2019 al dik twintig maol neie D-Pop,

Veur zien debuut-album dee Leon inspiratie op in Zweden en Italië en speuld’e begun 2020 een show van achttien liedties veur een vol theater in Assen. Veur de zummer van 2020 mot zien neie album klaor weden.

In het begun van 2020 kwam van hum de singel Heur joe wel oet. In 2020 was e ok te zien in het ZO!34-programma ‘Drèentse Zangers’.

Zie ook: www.leonmoorman.com