Lucine Oetsen

Lucine Oetsen is in De Wiek (De Wijk) geboren en gruide daor ok op.

Zingen en kleinkunst

Lucine Oetsen Drentse artiesten Huus van de Taol

Lucine hef een zettie in Londen, Israël, Stad en Eindhoven woond, maor tegenwoordig woont ze weer in Zuudwest-Drenthe.

Oetsen studeerde internationale betrekkingen an de Rieksuniversiteit in Stad en gung daornao an ’t wark in het bedriefsleven. Toen ze in Noord-Brabant woonde meuk ze de overstap naor het basisunderwies.

Zingen en kleinkunst is heur met de paplepel ingeuten. Lucine zung vaak en geern met heur mam, maor ok op de fiets, op schoel, bij jeugdkoor ‘de Iekmulder’ en bij musicalgroep ‘Vals Alarm’ in Stad.

Toen ze weer in Drenthe woonde, gung ze zingen bij het popkoor ‘Flash’ in Runerwold. Het dichtersduo ‘Duo Drie’ vreug Frank Boerrigter (gitaar) en Lucine Oetsen (zang) bij heur optredens te kommen zingen. Ze deden dat met Nederlandse en Drentse liedties. Daornao kwamen der aal meer optredens met benaom Drentstaolige liedties. Nao een warkwinkel van het Huus van de Taol begunde Lucine ok zölf teksten te schrieven.

In mei 2012 was Lucine finaliste op het Drents Liedtiesfestival met het zölf schreven lied Ik kan het haoste niet geleuven, begeleid deur Frans Boerrigter.

In 2014 was ze vanneis finaliste op het Drents Liedtiesfestival, dit maol met het deur heurzölf  schreven lied Now hier. Behalve liedteksten schref Lucine ok gedichten.

Kiek ok op: www.streektaalzang.nl

Er worden cookies gebruikt voor deze content. Accepteer de cookies om de content te bekijken.