The Dutch Boys

Eerst gungen ze deur het leven as The Thunderballs, maar in 1972 hebt ze heur naam veraanderd naor  The Dutch Boys. De nummers die ze meuken, waren veurnamelijk in het Drents. Jans Hoogeveen, Henk de Roo en Cor Maatje vörmden het trio in het begun.

Zie kenden heur hoogtijdagen in de jaoren ’80, toen ze met ienige regelmaot bij ‘Op Volle Toeren’ te zien waren. De single ‘Boer Harms’ weur een enorm succes en kwaam tot een tiende plaots in de Top 40.

In 1988 stapte Henk de Roo oet de band. Hie weur vervangen deur Douwe Buiter. In 1994 weur Cor Maatje opvolgd deur Henk van de Glas. En nao 25 jaor trokken ze de stekker deroet. Maar end oktober 2007 stunden The Dutch Boys toch weer op het podium. Sinds 2020 treedt ze weer in de originele bezetting op.

In 2020 kreeg ‘Boer Harms’ opiens veul andacht in de media, naodat het nummer op TikTok weer een dikke hit worden was.