Alle bezukers kregen een stoettrommegie mit een krentenbol. En dit had weer te maken mit het Boekenweekkedo dat eschreven is deur Anne Doornbos.Dit geschenk hef as titel Vremd Volk. Belevenissen van een broodschriever. Vanzelf las Anne Doornbos veur uut zien neie boekie, daj in de Drentse Boekenweek kedo kriegt aj veur meer as 12,50 an Drenthe boeken koopt.
In de overvolle zaal waren der optredens van Ria Westerhuis en Delia Bremer die tegeliekertied heur cd van Minnezinne prissenteerden. Op dizze cd staot gedichten uut de dichtbundel Minnezinne. Wieder waren der optredens van Gezienus Omvlee mit Light verses over Drenthe en Roelof Keen en Leny Hamminga die veurlazen uut de neie bundel Dikke arms, kleine bienties die as vrijdag a.s. uutkomp.

Muziek was der van het duo Jan en Jans die veurofgaond an de opening deur warenhuis Vanderveen al speulend het volk mitlokte! Nao ofloop kreeg iederiene het boekenweekkedo mit hen huus.

 publiek bij opening boekenweek2