foto4                                 {youtube}RzAeEXobyeU{/youtube}                           


Andries Middelbos
  (Tiendeveen 1952)

Woonplaats:Gasselternijveen

Streektaal: Midden Drenthe

Telefoon: 0599-513470

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

 

Gruide op in Drieber onder de rook van de VAM. Studeerde eerst veur onderwiezer en daornao veur drama-docent. Was 25 jaor docent an de lerarenopleiding in Rotterdam en keerde toen terug naor Drenthe, waor hij now verbunden is an het Alfa-college in Hoogeveen.

Hij zingt bij de Drèentstalige cantorij Metandoen en schref sinds een paar jaor körte verhalen in het Drèents. De oorsprong van dizze verhalen ligt in zien eigen kiendertied op het Drèentse plattelaand en beschrieft op een vaak humoristische manier hoe as kiender opgruit en groot wordt. Een aantal verhalen bent publiceert in Maandewark.

Behalve schrieven is Andries ok al zien hiele leven gangs met muziek en hef bij zes verhalen liedties maakt, waorbij hij zich zölf begeleidt op piano of accordeon. Veur het Drèeentse Liedties Festival 2014 schreef hij het nummer Bruno en kwam daormet in de finale die uutzunden is op 29 mei deur RTV Drenthe. Dit keer hef e het omkeerd en hef bij het liedtie Bruno ok een verhaal schreven.

Fragment uut:

Toch een hond

Mien zussie kwam er tussen de middag met thuus. Onderweg van schoel hen huus zag ze hum lopen op de es, hielemaol allent. Ze har hum roepen en hij was zo maor naor heur toe kommen en was veur heur op de grond gaon liggen. Terwijl ze op de hurken gung zitten en veurzichtig heur haand uutsteuk om hum te aaien, begunde hij die direct te likken en meuk tevreden geluudties toen ze hum over zien kop krauwde. Ze bedacht dat ze nog een half meelkoekie in heur jas har en terwijl ze bezig was dit uut heur buus te peuteren, steuk hij zien snoet al in heur jasbuus en hapte in ien keer het halve meelkoekie weg. Daornao har ze een stok pakt en iedere keer as ze die weggooide, rende de hond er achter an en legde de stok weer veur heur voeten neer. Toen ze bedacht dat ze nou toch echt hen huus mus om te eten, har ze de stok nog ien keer zo wied meugelijk vort gooid en met niet al te veul overtuging roepen dat hij nou ok maor hen huus mus gaon. Een paar tellen later leup e al weer naost heur met de stok in zien bek en die har e nog steeds in zien bek toen ze even later met zien beiden veur het keukenraam langs leupen.

Programma verhalen en liedties:

Douchen

De hoogste barg

Minkeutel (plus Drèentsewoorden Quiz)

Nylonkousen en zendingsbussie

Fiet

Fanfare

Toch een hond(Bruno)

Veur een aovendvullend programma vrag e een vergoeding van € 75,- plus reiskosten.