Over Drents en Drenthe

Acht aovends over taol, cultuur en achtergronden van het Drents en Drenthe.

Drenthecursus

Al jaoren gef het Huus van de Taol de Drenthecursus. Oeze lesgevers hebt allemaol een opleiding volgd um ‘docent Drents’ worden te kunnen. In acht aovends hebt zie de leid’ in handen en leer ie veul over de Drentse taol en cultuur. Vanzölf is de Drentse taol belangriek in de cursus, ok al is het gien taolcursus. De aovends bint heul gevarieerd: wij leest Drentse literatuur, wordt bijpraot over Drentse gebroeken en over streektaolmuziek. Ok kiek wij naor verschillende Drentse dörpstypes en het Drentse landschap.

Het cursusboek is de basis veur de cursus, maor oeze docenten hebt genog kennis van zaoken um eigen underwarpen in de cursus an bod te laoten kommen. Een maotwarkcursus dus! De cursus wordt geven in de variant Drents van de umgeving waor de cursus holden wordt.

De Drenthecursus kost 55 euro en daor zit het nuvere cursusboek bij in. Het kan wezen dat daor nog een bijdraoge veur huur en koffie bij komp.

Veur elkenien die een cursus volgen wil: kiek op dizze website waor cursussen begunnen gaot en geef je op. Je kunt je ok gewoon as belangstellende anmelden en dan kriej vanzölf bericht as der bij je in de buurt een cursus begunt. Dan kan via (0593) 371010 of info@huusvandetaol.nl .

Je kunt vanzölf ok understaond formulier even invullen.

Dieper Deur Drenthe

Anmelden