Drentse beurtbalkies in de supermarkt

In week 4 van 2021 bint in 26 Drentse supermarkten beurtbalkies op de kassaband te vinden met Drentse teksten. As streektaolorganisatie vin we dat er wal wat meer Drents in het openbare leven te zien weden mag!

“Veurig jaren zagen wij oeze Nedersaksische naober Martin der Denge (van streektaolplatform Watata), die derveur zörgd har dat in twei supermarkten in het Overiesselse Riessen streektaolteksten op de beurtbalkies stunden. Dat vunden wij zo’n schier idee,  daw oeze streektaolambassadeurs en -vrijwilligers vraogd hebt um ies te kieken ow daor ok supermarkten veur vinden kunden. Wij hadden hoopt op een stuk of 12 supermarkten, dus dat er nou 26 metan doet, biw gloepends wies met” aldus directeur Renate Snoeijing.

Vanmörgen bint de eerst beurtbalkies officieel in gebroek nummen deur René Brouwer van de Albert Heijn in Dwingel.

Hierunder kuj per gemiente zien waor de beurtbalkies te vinden bint. Stiet je gemiente der niet tussen, dan bint er gien supermarkten in je gemiente die metan doet.

Woj zölf dizze beurtbalkies ok in de supermarkt hebben? Vul dan understaond formulier veur vrijdag 5 febrewaori in en dan zörg we daj ze ok kriegt!