tonko ufkesglasschrieversbaank                                          

Tonko Ufkes (Zevenhuizen, 1958)
Woont in Grunnen
Streektaal: Grunnings

E-mail
Telefoonnummer: 050-5417650

 

  •  Gedichten en verhalen

 

Tonko Ufkes
Tonko Ufkes (1958) wer groot op Zeuvenhuzen (bij Roden) en schrift al joaren ien die toal gedichten en verhoalen. Hij het o.a. veurlezen bij ‘Taol an Taofel’ ien Nörg


Publicaties:
Tot nou toe verschenen van hum 5 dichtbundels en 1 verhoalenboekje.
Vanof 1989 stoan zien gedichten geregeld ien t Grunneger tiedschrift ‘Krödde’ en vanof 2008 stoan zien verhoalen meest ien ‘Roet’.

 

 

2 gedichten:

 

Uut beeld

 

Zo zie k heur veur de spiegel stoan

de kleren op n stoapel lijd

en t is of ze doar twee moal stijt.

 

t Leste licht het z’al uutdoan

t kin weden dat ze me niet zigt

en ik doe gaauw mien ogen dicht.

 

n Aander moal holdt ze me beet

veur ik het evenbeeld vergeet.

 

 

 

 

 

d’Olde boom

 

Spiernoakend noa verloren bloaren

te kiek, deur t tegenlicht uutsneden

en winterkold, as alle joaren

om toch gewoon n boom te weden.

 

Hieltied dat stoan veural en wachten

en ien de tegenwiend niet breken

en laange doagen, laange nachten

de takken aal de lucht iensteken.

 

Misschien dat t bliend vertraauwen is

of het er n veureg moal ontholden,

t kin ok dat hij t nog zeker wis:

Ien knoppen zit nij blad opvolden.