Geertje Enting schrieverij

Geboren 11 mei 1974

Prat het Eexter Dreens.

Schref ok under de schoelnaomen Annechien Vedder en Moeshapper.

Het Dreens is heur met de PAP-lepel ingeuten.

Is deelnemmer an schriefwarkgroep Goeie Zin!

Verzaomelt recepten en verhaolen van knieperies/rollegies en joskoouken bakken.

Contactgegevens:

Oldend 1A

9465 TJ Anderen

0592-241663 of 0655 766883

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Eigen waark:

  • Verhaolen en gedichten
  • Kinderverhaolen en gedichten

Mooi waark:

  • Veurlezen veur en met kinder (direct vanoet NL veurleesboouk vertaolen in ’t Dreens is gien probleem, thema is anpasbaor)
  • Veurlezen/veurdraogen veur de groten
  • Teksten schrieven of geschikte bestaonde stukken veur je opzuuiken veur biezundere gelegenheden ( geluk, leeifde of verdreeit)
  • Combineren van de schrieverij met koken en bakken zunder de puutties en pakkies van de grote voedingsmiddelenfabrikanten
  • Wat neeis oetproberen,       zoas saomenwaarken met muzikanten/toneeil/tillevisie

Nog gien eigen bundel of boouk, maor hef publiceerd in:

  • Maandewark-Oeze Volk
  • Een Warme Winter
  • ’t Larfje
  • Dansende woorden spelende zinnen

Met andaon:

  • Taol an Taofel
  • Culturele uitdag gemeeinte Aa en Hunze
  • PoeziePlus Festival Gieten
  • Poezie Veendam
  • Omrouper/speaker bij verschillende evenementen

De pries: eerst even heuren. Over geld praoten is meeistentied niet makkelk veur de Drent daorum: onkosten in overleg.

Zwemles

Nee, ik duur niet in het daarde

in het daarde is de bodem gruuin en duuster.

Nee, ik duur niet in het daarde

in het daarde zit de monsters.

Oet de reusters gloept de draoken.

Daor in de deeipte zwemt een dikke haai.

Waoran blief ik met mien vouten haoken?

Ik wil wel schröwen, mor oet mien mond komt gien lawaai.

Nee, ik duur niet in het daarde

in het daarde zit de monsters.

Nee, ik duur niet in het daarde

in het daarde is het echt niet pluus!

Geertje Enting 24-07-2011

 

Kroegsmok

De maon overzag ’t aal maol,

het was der niet schier,

in de locht van braodvleeis,

siepels en bedörven bier.

Juust die eerste smok,

al was ’t niet veul dees,

is het, die in mien herinnering

boven aal die aandern oet rees.

Geertje 14-02-2014

Het gromt op koulaanddiek

Het gromt op koulaanddiek.

Zachies kraokt mien tree.

De sneei haokt een schier wit

kastraandtie an boegende boomtakkies,

glaozig gladvroren

riggeldraod

en de rest van oetgebluid gruin.

Een haart giet op de rekken,

stof in tweeiduuster.

Ik luuster,

heur even heulemaol niks

haol aodem en

pruif de zuvere

nuvere winter.

 

Annechien Vedder