Meer dan honderd man verzamelden zich in de raodzaal van gemiente Aa en Hunze die geweldige mitwarking verleende veur de prissentatie van de neie bundel van Gerard Nijenhuis.

Anne Doornbos, veurzitter van het Huus van de Taol, deed de middag lös en deed mede namens uutgever Het Drentse Boek het woord en legde uut wat er dizze middag te gebeuren stund. De muziekgroep Gloed zung eerste een paar prachtige nummers waorvan der enkelen deur Gerard eschreven waren. Daorna was het tied veur de overhandiging van het eerste exemplaar van de neie bundel. In dit geval waren het twee eerste exemplaren. Zij wordden anebeuden an burgemeester Eric van Oosterhout en an partner Jan Gilhuis. Weer speulde Gloed en toen was het tied veur de onthulling van het Burgemeester Nijenhuispad. Gerard Nijenhuis zien va was van 1930 tot 1959 (mit uutzondering van 1941-1945) burgemeester van Gieten.

Maar de taart was nog niet op, want Gerard kreeg dizze middag as dank veur zien geweldige inzet veur de streektaal (o.a. mitoprichter van Oeze Volk en de Drentse Schrieverskring en van zeer grote betiekenis veur Drentse literatuur)  de erepenning van het Huus van de Taol opespeld deur partner Jan.Veurzitter Anne Doornos markte op daj makkelker een lintie kriegt as een eretieken van het Huus van de Taol. Dit is pas het darde eretieken dat deur het Huus van de Taol uutereikt wordt.(Eerder uutereikt an Rieks Siebering en Martha Haddering (zij is helaas uut de tied ekomen in 2011)
Lydia Tuinman van RTV Drenthe maakte opnames veur een te maken portret over Gerard Nijenhuis. Dinsdagaovend kuj Gerard trouwens zien in Drents Diep op RTV Drenthe.
Nao de prissenatie kun de neie bundel ekocht worden en wordde der nog gezellig nao-epraot.

Op dinsdag 24 jannewari was Gerard te zien in Drents Diep. Kiek hier veur de herhaling. Gerard zit in het tweede gedeelte van het programma.

Kiek veur meer informatie over Gerard Nijenhuis.
Boek bestellen?

mt_gallery