Kleine, Klaas (1940-2000)

Klaas Kleine is in 1940 op Kolderveen geboren, maor het grootste diel van zien leven hef e woond en warkt in Diever. In oktober van het jaor 2000, 60 jaor old, is e veur mèenselijke begrippen veuls te vrog oet de tied kommen.

‘Het grote bestek giet oes verstaand te boven'. Dat waren woorden van de dichter-schriever Klaas Kleine toen e zuch machteloos vuulde tegenover het kwaod van de ziekte die hum tröffen har.

Klaas Kleine zal de geschiedenis ingaon as een Drèentse schriever met boetengewone verdiensten veur de streektaol in het Nedersaksisch taolgebied. Hie was een biezunder mèensch, is wal ies umschreven as een on-Drèentse Drent: kwetsbaor, zachtmoedig, vol met humor, maor ok rechtlijnig, eigenwies en non-conformistisch. Een geharnast strieder tegen alles wat hum niet zinde. Hie har gien bosschup an de Drèentse gedragscodes en dat leverde hum vrienden èn vijanden op.

Naost schriever was Klaas Kleine hoefsmid, koster, geitenfokker, keesmaoker, vioelbouwer, toneelspeuler ( Shakepeare) en docent Drèents. Vanof 1982 publiceerde hij in Roet, vèer jaor was e veurzitter van de Drentse Schrieverskring. Klaas kun niet zunder het schrieven van columns. Hie deed dat in het Neisblad van het Noorden, maondblad Drenthe, Radio Noord, Radio Drenthe en het Dieverder hoes-an hoes-blad.Hij kreeg in 1996 de Simon van Wattumpries.

Publicaties:

  • de bewarkings van Hooglied en Job Vangt de loze vossen/Waor blief ie now? (poëzie, Zuudwolde1984)
  •  Dryloeken, 
  • Een feestelijk starfgeval ( literaire novelle)(Zuudwolde, 1991)
  • Broggen (roman) (Zuudwolde, 1999).

Ienmaol in 't jaor, umstreeks half jannewari, gaf Klaas zien eigen tiedschriftien oet: het drieloek ( tussen . Dat vuul dan in de bus bij paartie lu die e wat in de reken har; elk jaor een neijaorsvars met een eigen titel en motto. Ofzunderlijke gedichten die ok weer in mekaar grepen. In 1995 hef het tiedschrift Roet ze bij 'nkander bracht. Dizze tieddichten mugt dan wal gien mandielig oetgangspunt hebben, zie bint overdudelk het wark van ien dichter wel as zien dichterschap umschreef in Pyromaan.
Dit gedicht is het twiede loek oet Tussen water en wiend van 1990.

In 2009 werd er een schrieverspetret van Klaas Kleine emaakt.

In 2017 hef de Historische Vereniging Gemeente Diever een verhalenbundel van Klaas Kleine uutegeven. In dizze bundel bint columns uut het Nieuwsblad van het Noorden en uut Maandblad Drenthe bij mekare egaard.

 


Pyromaan

Het binnenste van de eerde

is ien en al vuur.

En de zunne.

Bin ik uut eerde

zal ik vuur wezen

van binnen?

De zunne.

En luzefars

lochtdrager, of striekholtie?

Waorum zul'k mij braanden

an kold water

of het kleinste vonkie

uutblaozen laoten

deur wiend

daormit alleman mitweit?

Laot mij speulen mit vuur

en dat nao an de schenen leggen



 

 

Media