Maandewark

Oprichters

Veur 1956 was der in Drenthe gien podium waor schrievers heur waark publiceren kunt. Oetgevers gaven mar mondtiesmaot Drèenstaolig waark oet. In september 1956 wordt het maondblad Oeze Volk opricht deur Hans Heyting, Gerrit Kuipers en Gerard Nijenhuis. De oprichters hadden veur ogen um met Oeze Volk een leegdrempelig en veur elk en eein tougankelijk blad te maoken in de Drèense taol.

Eerste nummer


Dizze dreei maanlie risselveert met 'n kander, zeuikt een oetgever en gaot an 't waark. Oetgever Eerelman oet Stadkanaol duurt het an en het eerste nummer van Oeze Volk komp oet in december 1956.
Nao verloop van tied kriegt Gerard Nijenhuis en Gerrit Kuipers boeten Drenthe een neeie betrekking. Hans Heyting blef alleneg over.
In 1966 nemt Bart Veenstra en zien vrouw Martha de redaksie en de administraotsie over.
Dit blef de femilie Hadderingh dooun tot en met 31 december 2007. Daorna hef Jent Hadderingh het overneumen.

Stichting


Op 1 janewaori 2008 wordt Oeze Volk een stichting en get over in het Huus van de Taol.

Veurplaot


Karakteristiek veur Oeze Volk was de zwart-wit veurkaant met een foto. Tot eind 1970 is dit een foto van Gerrit Aafs, dan nemt Wim Hidding het over tot en met 2006.
Daornao zorgt de neeie redaksieleden Jent Hadderingh en Tjaart Imbos veur de foto's op de veurplaot.
Met ingang van meert 2008 verschient der een neie veurplaot in kleur.
Foto's veur de veurplaot wordt anleverd deur Drèense amateurfotograofen.

Maandewark


In meert 2008 hef Oeze Volk der een naom bijkregen: Maandewark.
De vörmgeving van het olde Oeze Volk was vanof het begun haost niet veraanderd. De tied hef het herkenbaore grieze bladtie inhaold.
Daorum is de stap zet um ‘fullcolor' en in een neie opmaok te verschienen.

 

Mit ingang van jannnewari 2017 holdt het blad Maandewark/ Oeze Volk op te bestaon.

Het Huus van de Taol giet dan een nei tiedschrift uutgeven: Zinnig. Leegdrempelig en tougankelijk



Roel Reijntjespries


Roel Reijntjes (1923-2003) was een Drèense dichter die veul beteikend hef veur de Drèense literatuur en de Drèense  Taol. Hie debuteerde in 1959 met de gedichtenbundel ‘De iegelkaor'. Roel Reijntjes hef ok veul publiceerd in Oeze Volk. Hij hef Oeze Volk een legaat naolaoten, waorvan 't bestuur eeinmaol in de tweei jaor een pries oetlangen moet an eein die zich slim inzet hef veur de streektaol.

Ontvangers van de pries


2004: Wim Hidding oet Gasselte, meer dan 35 jaor fotograof veur Oeze Volk


2006: Martha Hadderingh oet Gasselternijveen. Eigenlieks was de pries veur Bart en Martha beiden veur 40 jaor redaksie en administraotsie en al wat nog meer. Jammer genog hef Bart dit niet meer met muggen maoken. Hie kwam in oktober 2005 oet de tied.


2008: Gerrit Kuipers, mede-oprichter Oeze Volk


2010: Bonnie Kuik-Veendorp, veur grote verdiensten veur Oeze Volk


2012: Geert (postuum) en Marchien Enting veur heur grote inzet veur het tiedschrift Oeze Volk

 

gerritweb

Bonnie Veendorp kreg Roel Reijntjespries

roelreijntjespries2012