Liedties van maximaal ien minuut, in het Drents en akoestisch uut te voeren: dat bint de Stoplochtsessies. Oj al lang in de muziek bezig bint of net komt kieken, dat mak niks uut. Gao de uutdaging an, maak een demo en stuur die veur 1 augustus 2020 op!  De tien beste liedties wordt openeumen en uutezunden op TV Drenthe.

Waor mut je lied an voldoen?

  • De groep die as het zingt bestiet uut maximaal vief personen.
  • Het is een nei Drentstalig lied.
  • Je lied duurt maximaal ien minuut.

Aj hulp neudig bint kuj dat veur 1 augustus 2020 angeven bij het Huus van de Taol. Stuur je demo naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Zet in je mail de volgende gegevens: de naam van de uutvoerende groep/artiest, de naam van het liedtie en je contactgegevens.

In meert 2018 organiseerde het ICO Centrum veur Kunst en Cultuur samen mit het Huus van de Taol en Martijje & Band de zogenaamde metzingconcerten Het Jaor Deur veur de groepen drie en vier van alle basisschoelen in de gemiente Aa en Hunze en een aantal uut de gemiente Assen. De kiender zungen liedties mit uut het pakket Het Jaor Deur Met Drentse Kinderliedties. Het bint Drentse liedties over alle feestellijke momenten in een jaor. Het pakket is emaakt deur: zangeres Martijje, Jan Germs (Huus van de Taol), Jan Kruimink (Pabo Emmen) en Marinus Scholten (MS Muziekeducatie) Kiek veur de liedties op de website. Het project bestiet uut 1) een inleidende workshop veur leerkrachten 2) lessen in de klas deur Martijje of Marinus Scholten um de kiender de liedties an te leren en um leerkracht te begeleiden. 3) Kinderen woont ien van de interactieve metzingconcerten bij (m.m.v. Martijje & Band en dirigent Marinus Scholten) Het project wordt herhaald in meert 2019, dan doet der aandere scholen uut Drenthe mit. Wi'j het Metzingproject ok bij oe op schoele? Neem dan contact op met Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. tel:06 31954982

De wolf is al een poosie terugge in Drenthe. Egbert Meijers hef een Drents lied over hum eschreven. Kiek op de site van Het Dagblad van het Noorden um hum te beluustern.

Daniël Lohues giet mit een elektrische band op tournee. In oktober speult hij in Eindhoven, Hengelo, Utrecht, Den Haag, Zwolle, Groningen, Nijmegen en Haarlem. Op dizze veurstellingen speult Daniël Lohues een keuze uut de bandnummers die te vienden bint in zien umvangrieke oeuvre van de ofgelopen 25 jaor. De band zal naost de zanger bestaon uut Bernard Gepken (gitaar), Reyer Zwart (bas), Bram Hakkens (drums) en Ferry Lagendijk (toetsen). 

Alle basisschoelen in de Aa en Hunze en een stuk of wat schoelen in Assen bint drok an de slag west met liedties van  Het Jaor Deur en Jamero. En al die inspanning rissulteert in vief mitzingconcerten (twee in Gieten, twee in Gasselt en iene in Assen) in de leste week van meert. Alle deelnemende kiender kunt dan metzingen! De eerste mitzingconcerten bint ewest en was een groot succes! De band van Martijje (Allard Gosens, Sebastian Demydczuk,Guus Strijbosch en Martijje vanzelf) zorgt veur de muzikale leiding. Dit project is opezet in het kader van het Kunstmenu dat is organiseerd deur Akke Feenstra samen mit het Huus van de Taol en de gemiente Aa en Hunze. Vanof jannewari bint der workshops egeven deur Martijje en Marinus Scholten.

Stichting REUR organiseert in het veurtrajcet naor het Drèents Liedtiesfestival 2018 i. s.m. The Bake Shop muziekworkshops.De workshops gaot uut van meertaligheid (Drents, Nederlands, Engels) 
Doel is um in de workshops te laoten zien wat de overienkomsten ver verschillen bint bij het schrieven in meerdere talen.
Workshop 1: 17 maart met Edwin Jongedijk. Workshop 2: 31 maart met Bert Hadders. Kosten per workshop: € 10,- Geef je op voor deelname via: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. 

Daniël Lohues hef een neie cd. Vanof 2 meert is Vlier te koop. De liedties op dizze nei cd gaot over thuuskomen, verleuren liefde, Nedersaksisch, religie, vriendschap en familie. Luustern kan via daniellohues.lnk.to/Vlier

Margaretha Kleine hef een neie single. Zowel de tekst as de muziek van De Planeet hef Maragaretha zelf eschreven. Hiel verrassend is de rap van Kuò die in het nummer is vervlöchten.

Pagina 1 van 15