Brader, Geert Jan

Geert Jan Brader (1960, Nieuwleusen) greuide op mit de popmuziek uut de 60- , 70- en 80- er jaoren. Op 18-jaorige leeftied was de ankoop van een gitaar anleiding um de muziek in te gaon en wordde ok zien belangstelling veur de pianao ewekt.

Bij zien eerste band No Nonsense speulde hij zowel piano as gitaar. In de tachtiger jaoren speulde hij in verschillende gezelschappen en bands, o.a in de Brinkels Boogie Band, een band die ok aandere artiesten begeleidde waaronder Eelco Gelling, Kaz Lux, Allides Hidding en Louisiana Red.

In de negentiger jaren speulde Geert Jan veural in kleine bezetting. Naost solo-optredens begeleidde hij aandere solisten en gezelschappen. Ok zorgde hij veur muzikale begeleiding bij veul radioprogramma’s, o.a veur de Vara.

Mit saxofonist Jan de Wilde vormde Geert Jan een duo. Later uutebreid tot een trio zonder Jan de Wilde, maar mit Adolf Robertus en Gijs Kos. Brader&Co wordde een hecht gezelschap.

In 1999 zegde Geert Jan zien bane in de psychiatrie op en keus volledig veur de muziek.

Deur Taal an Taofel en Het Drentse Boek kwam er steeds meer contact mit Drentse schrievers en dit spoorde Geert Jan an um in het Drents te zingen.

Geert Jan hef een aantal jaoren opetreden mit Marga Kool en Jan Veenstra in een aovendvullend programma Taanden van de tied

Sinds een paar jaor woont Geert Jan in Ossenziel, net over de grens in Overiessel.

Geert Jan maakte een Drentstalige cd: Nog Zeuveel Doen

Kiek op zien website veur meer informatie: http://www.geertjanbrader.nl

Media