Drents liedtiesfestival - Huus van de Taol

Drents liedtiesfestival

Stichting REUR organiseert ien keer per jaor in samenwerking met RTV Drenthe het Drents Liedtiesfestival.
Het liedtiesfestival probeert muzikanten en tekstschrievers te stimleren um meer Drentstalige kwaliteitsmuziek te maken.
De ingezunden liedties wordt deur de Warkgroep Muziek van het Huus van de Taol beoordeeld. Uit alle inzendings wordt de beste tien sillecteerd veur de finale.
De finale wordt uutezunden deur RTV Drenthe. Het Drentse publiek stemt via sms op hun favoriete liedje. Een vakjury beoordeelt de inzendings.
Beide uutslagen bepaalt samen de uuteindelijke winnaar van het Drents Liedtiesfestival.

Winnaars:
2012: Annemiek Drenth (ik ben zo wies)
2013: Willem Fledderus (Nei doel)
2014: Gerrit Denekamp (Zundagskind)
2015: Linda en Suzanne Kannegieter (Ik geleuf niet meer in liefde)
2016: Rik Vinke (Eem lös van alles)
2017: Isa Zwart (Mamme see)
2018: Melissa Meewisse (De wind van zuud)

Het liedtiesfestival wordt veur de achtste maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.
De inzunden liedties wordt deur een kemmissie, bestaonde oet meziek- en tekstprofessionals belusterd en weugen. Oet alle inzendings wordt de beste tien liedties keuzen veur de finale. Begun mei wordt de selectie van de tien finalisten bekend maakt via RTV Drenthe.


De finale van het Drèents Liedtiesfestival is op zaoterdag 22 juni 2019 in het ATLAS Theater in Emmen. Het Drèents Liedtiesfestival wordt LIVE oetzunden op TV Drenthe en via het internet. Het Drèentse pebliek stemt via sms op heur favoriete liedtien. Een inholdelijke vakjury zal de liedties ok beoordelen. Beide oetslagen bepaolt gezamelk de oeteindelke winnaar van het Drèents Liedtiesfestival.
De winnaar van DLF19 zal ok ofvaardigd worden naor het Europees Songfestival veur Minderheidstaolen op het SUNS Europe festival 2019 as vertegenwoordiger van het Nedersaksisch.

Inzendings kunt daon worden tot en met 5 april 2018 hen Stichting REUR, Laan van de Marel 30, 7823 CA Emmen of via wetransfer.com hen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. o.v.v. DLF19.

Je inzending möt bestaon oet:
-een tekst van het liedtien
-een opname van het liedtien
-een invuld inschriefformelier Rieglementen, meer infermatie en neis kuj vinden op www.drentsdlf.nl, www.stichtingreur.nl, of via Facebook en Twitter under de naam @DrentsDlf

(Foto: Edwin van Stenis)

 

 

Het zeuvende Drèentse Liedtiesfestival, live uutezunden deur RTV Drenthe vanuut het Atlastheater in Emmen, is ewunnen deur Melissa Meewisse. In een spannende puntentelling kwam Melissa nao de publieksstemming as winnares uut de bus mit heur liedtie Mit de wind van Zuud. Tekst & muziek: Jord Brinkhuis en Robin Muilwijk. Het Drèents Liedtiesfestival wordt organiseerd deur Stichting Reur i.s.m. RTV Drenthe en het Atlastheater in Emmen. 

Op 10 mei wordden in het programma Tussen Stoet en Koffie van RTV Drenthe de tien finalisten bekendemaakt van het Drèents Liedtiesfestival. Het liedtiesfestival zal deur RTV Drenthe live uutezunden op 2 juni a.s. vanuut het Atlas theater in Emmen. Namens de Stichting REUR maakte Edwin Jongedijk de tien namen bekend: 
- Bertine Snippe met Ummekeer
- Van Deele met Ik goa dr uut
- Marsha Boes met Een Stukkie Blauw
- Henk Dokter met Het leven is mooi als de zunne lacht
- Spang! met Drenthe an Zee
- Lusanne Boes met Hartzeer
- Melissa Meeuwisse met De wind van Zuud
- Aosem met Wat deed ik verkeerd
- Lillian van Lottum met As ik denk aan die
- Niels Bunzing met Naor Huus
Aj kaorties wilt kopen moej hier klikken.

 
 

DLF2018posterHet Drèents Liedtiesfestival wordt eholden op 2 juni a.s. in het Atlas theater in Emmen. Daor kuj ok de toegangkaorties veur € 12,50 kopen. Het DLF#18 wordt op die dag vanof 19.30 uur live uutezunden op RTV Drenthe. De prissentatie is dit jaor in haanden van Wim Boer. De tien finalisten wordt binnenkort bekendemaakt.

Stichting REUR organiseert in het veurtrajcet naor het Drèents Liedtiesfestival 2018 i. s.m. The Bake Shop muziekworkshops.De workshops gaot uut van meertaligheid (Drents, Nederlands, Engels) 
Doel is um in de workshops te laoten zien wat de overienkomsten ver verschillen bint bij het schrieven in meerdere talen.
Workshop 1: 17 maart met Edwin Jongedijk. Workshop 2: 31 maart met Bert Hadders. Kosten per workshop: € 10,- Geef je op voor deelname via: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. 


Het Drèents Liedtiesfestival 2018 (DLF18) komp der an! Het grootschaolige liedtiesfestival wordt veur de zeuvende maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

Het Drèents Liedtiesfestival 2017 is ewunnen deur Isa Zwart mit Mamme see. Het festival wordde eholden in het Atlas theater in Emmen. Kiekers van RTV Drenthe kunden mitstemmen, maar de mening van vakjury weug het zwaorst. Lilian van Lottum eindigde mit heur lied Rustig aan, schat op de tweede plek. De broers Thomas-Timo en Douwe Bruinsma wordden daarde mit Aj wat liefde hebt. Op de foto: Isa Zwart in het midden, links tekschriever Roy Keuter en rechts tweede zangstem Charlotte van der Velde. De muziek van Mamme see is eschreven deur Rowdy Prins.

De tien finalisten van het Drèents Liedtiesfestival bint bekend! Op 25 mei gaot zij in het Atlas Theater in Emmen strieden um de eerste plek. De deelnemers en heur nummers: Harold Veenhoven mit Moes en Tieben, Annemiek Goelema mit Klein meidtie!, Jeanette Croezen mit Wieder, Aosem mit Veurbij, Martin Hummel mit Kathmandu, Annemiek Goelema mit Mien huus!, Lilian van Lottum mit Rustig aan, schat, Van Deele mit Jenever Jan, Isa Zwart mit Mamme see en Thomas-Timo en Douwe Bruinsma mit Aj wat liefde hebt. Ie ziet dat Annemiek Goelema mit twee nummers bij de leste tien is eplaatst. Zij zal volgens de regels veur ien van dizze twee een aandere zanger of zangeres mutten zuken. De tien nummers bint bekend emaakt in het RTV Drenthe programma Volkooren. Het Drèents Liedtiesfestival wordt organiseerd deur de Stichting Reur. Kaorties kuj via het Atlas theater bestellen.

Tot 13 april kuj oen liedtie insturen um mit te doen an het Drents Liedtiesfestival 2017. Hen Stichting REUR, Laan van de Marel 30, 7823 CA Emmen
of via wetransfer.com hen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. o.v.v. DLF17.Meer informatie op http://www.drentsdlf.nl/

Het Drèents Liedtiesfestival (DLF) wordt veur de zesde maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

Pagina 1 van 2