Drents Liedtiesfestival nummer zes komp deran!

15 mrt 2017

Het Drèents Liedtiesfestival (DLF) wordt veur de zesde maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

De inzunden liedties wordt deur een kemmissie, bestaonde oet meziek- en tekstprofessionals belusterd en weugen. Oet alle inzendings wordt de beste tien liedties keuzen veur de finale. In de eerste week van mei wordt de selectie van de tien finalisten bekend maakt via RTV Drenthe.

De finale van het Drèents Liedtiesfestival is op dunderdag 25 mei 2017. Net as in 2016 is de finale in het ATLAS Theater in Emmen. Het Drèents Liedtiesfestival wordt LIVE oetzunden op TV Drenthe.
Het Drèentse pebliek stemt via sms op heur favoriete liedtien. Een inholdelijke vakjury zal de liedties ok beoordelen. Beide oetslagen bepaolt gezamelk de oeteindelke winnaar van het Drèents Liedtiesfestival.

Inzendings kunt daon worden tot 13 april 2017 hen Stichting REUR, Laan van de Marel 30, 7823 CA Emmen of via wetransfer.com hen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. o.v.v. DLF17.

Je inzending möt bestaon oet een tekst en een opname van het liedtien.
Rieglementen, meer infermatie en neis kuj vinden op heur website, op Facebook en Twitter under de naam @DrentsDlf.