Moi, ik bin Martijje. Sinds november 2019 bin ik bestuurslid bij het Huus van de Taol.

Ik wark as zangeres en liedtieschriefster en heb al veul projecten daon met de Drentse taol. Zowal veur kinder as veur groten. Het is dan ok niet zo gek dat ik de streektaol een warm hart toedraog en het schier vin um over het beleid van het Huus van de Taol met te denken.

Ik vin het Drents warm en lieflijk klinken. Het hef zoveul under de bovenste laog zitten en daor geniet ik altied van. Maor ok aandere Nedersaksische varianten vin ik prachtig.  Ik bin geboren in Grol, heb jaoren in Grunning woond en woon nou met mien man en dree zeunties in Raol. Wij praot in hoes Nederlands en ok wal Drents. Ien van de mooiere Drentse woorden vin ik reren. Dat klinkt zo lief. As der iene reert, moej gewoon troosten.