Moi, ik bin Roelie. Al sinds 2010 zit ik in ’t bestuur van het Huus van de Taol en daor heb ik hiel veul aordigheid an. Ik heb de rol as penningmister.

As registeraccountant kan dat ja ok haost niet aans!  Maar ik denk vanzölf ok hiel geern met over aandere zaken. Mien interesse is hiel bried.

Daorum bin ik in mien dagelijkse wark eind 2018 ok hielmaol veur mijzölf begund, naodat ik 27 jaor bij de grote accountantskantoren warkt har, as leste as ‘auditpartner’ bij Deloitte.

Non bin ik gangs met een stuk of wat commissariaten in allerhande warkgebieden, met mien wark as lid van de beoordielingskemissie MKB-regeling in het aardbevingsgebied, as cultureel anjager in de gemiente Coevern en met verscheiden aandere opdrachten as financieel deskundige, adviseur, trainer of coach.

Mien kennis en ervaring kan ik mooi kwiet in ’t bestuur van het Huus van de Taol.

Ik woon in Noord-Slien en bin trouwd met Klaas. Wij hebt beide het Drèents van hoes oet metkregen en proot het nog alle dagen met mekaar, maar ok met oeze kammeraoden en met femilie.