Marga Zwiggelaar wint de Streektaolpries 2019 van het Dagblad van het Noorden

De schriefster van de historische misdaodroman Maagie in het ies kreeg op 24 april 2020 de Streektaolpries 2019 van het Dagblad van het Noorden. Zij kreeg de pries van juryveurzitter Eric van Oosterhout, die heur geweldig verraste. Niet allén deur heur de pries toe te kennen, maor ok deur dat deur middel van een videogesprek te doen.

De Streektaolpries van het Dagblad is de pries veur schrievers in de streektaol oet het verspreidingsgebied van de kraant. De aandere schrievers van de shortliest waren Chris Canter en Tonko Ufkes. Ok wordt er een pries oetlangd in de categorie ‘Beeld en geluud’. De winnaar daorvan is Jan Henk de Groot worden.