Vandaag weer een neie oflevering van de podcast Praot Drents met mij. Renate Snoeijing prat hierin met projectontwikkelaar Peter van Dijk oet Emmen.

Peter is opgruid op Klazienaveen, hie is adopteerd deur de femilie Van Dijk. Hie hef goed contact met zien biologische mamme die in Noordwijk aan Zee woont. Peter vuult zuch op beide plekken slim op zien gemak. Beide plaotsen vuult as thuus.

Hie gung hen Almelo veur zien opleiding en gung daor op kamers bij een hospita: ‘Nou, dat was wat! Daor was het feest niet uutvonden, maor ik gung natuurlijk wal feesten en wilde dingen doen.’

Van het witgoed gung e naor het vastgoed, umreden dat e hum creatief ontplooien wol. En dat is goed lukt. In Emmen en umgeving hef e veul projecten ontwikkeld, maor hie hef niet de behuufte um nou richting de Randstad te gaon veur grotere projecten: ‘Ik heb alles an Emmen en Klazienaveen te danken. Dan is het ok mooi as het geld ok weer terugvloeit naor die economie.’